Familiarization Trip 2017, Bele Hametin Kooperasaun Bilateral

Familiarization Trip 2017, Bele Hametin Kooperasaun Bilateral

- in International
3350
0
12647140_1037592929619694_1482320625542325857_n

ATAMBUA- “Familiarization Trip 2017” iha Atambua, Kabupaten Belu, NTT, Indonesia, hanesan programa neebe halao husi KBRI Dili hodi hametin kooperasaun bilateral Timor Leste no Indonesia.

Bupati Belu Willybrodus Lay haree programa ida nee diak. Liu husi programa nee, bele hametin kooperasaun entre Timor Leste no Indonesia. Nudar area neebe fronteira ho Timor Leste, liu husi programa refere bele hametin liutan kooperasaun Timor Leste ho Kabupaten Belu.

Iha area Kabupaten Belu nee, ema hotu koalia Tetun, Timor Leste mos koalia Tetun. Nee hatudu katak ita satu rumpun kultura, i sangat penting hametin kerja sama ba area kultura/kebudayaan,” hateten Willybrodus Lay hafoin vizita programa Familiarization Trip 2017 iha Atambua, Belu, Segunda (16/10/2017).

Ho programa refere, nia dehan, bainhira sira aprezenta tarian ruma iha Atambua, bele konvida Timor Oan hodi partisipa. Nunee mos Timor Leste, bele konvida warga Belu mai partisipa. Karik iha programa hakail ikan ka kaer ikan iha Kolam Susuk Atambua, maluk sira husi Dili bele ba partisipa. Nunee husi Atambua bele partisipa kaer ikan iha Batugede, Munisipiu Bobonaro.

Iha fatin hanesan, Reprezentante KBRI Dili, Marina Waru hatete, KBRI Dili sei esforsu makaas hodi hametin liutan kooperasaun Timor Leste no Indonesia, liliu ho komunidade Atambua Kota, liuhusi aktividade sira neebe halao ona. No espera, ho governasaun foun agora nee, bele hametin liutan kooperasaun neebe halo tiha ona iha tempo governasaun anterior.

Vizita Fatin Turismu

Partisipa iha eventu Familirization Trip 2017, KBRI Dili fo opurtunidade ba jornalista Timor Leste nain rua husi Diario STL no Bussines Timor hodi asisti lalaok programa refere. Aproveita tempo neebe iha, halo vizita mos ba fatin turizmu sira iha Atambua no fatin sira seluk iha area Belu.

Iha vizita nee, ekipa KBRI Dili ho jornalista nain 2 nee, ba haree direita fatin turizmu iha area tasi ibun Atapupu. Iha fatin nee, iha bazaar ikan neebe babain turista sira vizita. Iha bazaar nee, ema faan ikan barak no oioin.

Tuir matadalan turístiku Atambua, Paulus Nusandri Bisana, bazaar ikan iha Atapupu nee, fatin kulináriu ba aihan tasi nian. Kuandu turista sira halo paseiu bele han ikan lalar, gurita lalar no siput/babuku.

Tasi ibun Atapupu, babain sai nudar fatin ba peskador sira hodi kaer ikan. Iha area kuaze Atapupu, mos risku ba lafaek nomos animal fuik sira mos barak, liliu rusa no lekirauk.

Ekipa Familiarization Trip mos halao vizita ba Pantai Sukaer Laran neebe nakonu ho beleza tasi nian. Fatin nee beleza neebe atrai turista sira.

Fatin ida nee hanesan fatin laletek oan neebe babaiin turista sira mai hasai fotografia iha nee, no iha fatin ida nee mos faan ikan neebe barak no komunidade Atambua barak mai sosa ikan fresku iha fatin ida nee” dehan nia.

Iha distritu Belu mos iha fatin turizmu ida seluk, neebe sai hanesan fatin istóriku neebe Japones sira husik hela, tuir nia katak fatin refere hanesan fatin subar Japones sira nian. I fatin ida nee taka metin no agora sai hanesan mos fatin neebe peskador sira halo peska tradisional, babain ema barak gosta liu mai iha fatin nee maibé fatin nee mos lafaek barak bainhira iha tempu kalan.

Nia dehan fatin nee besik Illa Alor no dala barak komunidade sira uza bero hodi peska nian hodi halao viajen ba illa Alor. Nunee mos fatin ida nee besik Illa Alor nian no Timor-Leste dala barak komunidade no peskador sira uza bero hodi halo viajen ba Alor no halao peska ba besik iha área tasi Timor nian.

Nia dehan fatin ida nee seidauk hadia halo diak liu tan no sei hanesan ijoladu tanba governu Indonesia seidauk hadia, tanba nee babain komunidade sira mak halao aktividade peskas. Guilhermina Franco

Facebook Comments

Leave a Reply

Your email address will not be published. Required fields are marked *