Fahe Informasaun Laefetivu

  Fahe Informasaun Laefetivu

- in Nasional, Notisias Online, Politics
88
0
FOTO: STL/ DONACIANO MAGALHAESFOTO: STL/ DONACIANO MAGALHAES

Editor: Crisogono Magalhães

DILI – Asosiasaun jornalista Timor Lorosae (AJTL) no Timor Leste Pres Union (TLPU) konsidera, ekipa Task Force COVID-19 fahe informasaun laefetivu ba komunidade iha rai laran.

Kestaun nee hatoo husi Asosiasaun rua nee, relasiona ho mosu entendimentu entre jornalista sira ho Vise Ministra da Saude ba Kuidadu Saude Primaria no Ministra Saude Em Ezersisiu  Elia dos Reis Amaral, neebe bandu jornalista atu  husu pergunta ba Vise Ministra nee, bainhira  halao komunikadu imprensa, kona ba COVID-19 ho jornalista sira,  iha Palasiu das Cinzas, Caicoli, Dili, foin lalais nee.

Asosiasaun jornalista rua nee kolia, tanba atendimentu ekipa Task Force nian kona ba  parte atu fahe informasaun, kona ba COVID-19 ba komunidade sira nee la efetivu, tanba nee husu parte Ekipa Task Force tenke, fahe informasaun neebe efetivu ba ita nia komunidade  sira, dehan Prezidente TLPU, Manuel Pintu liu husi komunikadu imprensa, neebe realiza iha salaun Edifisiu Borza da Costa, Farol,Dili,Kinta ,(26/03/2020).

Prezidente TLPU nee dehan, infomrsaun kona ba COVID-19 nee dadaun sai preokupasaun publiku nian, tan nee hakarak lakoi responsabilidade maximu iha ekipa Task Force nia liman atu fahe informasaun neebe efetivu ba komunidade sira hotu.

Liu-liu Ministra Saude nia tenke utiliza meus sira nebe mak iha ho maximu, tanba nee Asosisaun Jornalista husu ba Ministra, atu hato informasaun neebe klaru lolos, nunee sidadaun hotu-hotu bele halo prevensaun ba nia an, esplika Nia.

Nia mos hatutan, Ministra Saude iha responsabilidade neebe masimu iha Timor Leste, atu fahe informasanu neebe klaru nunee sidadaun hotu bele prepara an, wainhira moras COVID-19  invada iha Timor Leste.

Iha fatin hanesan, Prezidente Asosiasaun Jornalista Timor Lorosae (AJTL), Zevonia Viera hatete, wainhira Ministra Saude kontinua la fo tempu ba jornalista sira atu husu perguntas ba nia,  mak Asosiasaun Jornalista rua hanesan AJTL-TLPU sei firme nafatin ho jornalista sira hotu sei halo asaun protesta hasoru nian.

Nia dehan,  COVID-19  nee laos isu politika, maibe hanesan  isu sosial neebe sai publiku nia preokupasaun, tan nee kontinua halo asaun no sei nafatin fo atensaun ba Vise Ministra Saude tanba nia mak sai hanesan porta voz atu fo informasaun ba midia sira.

Se ida nee akontese nafatin karik iha asaun seluk, neebe mak AJTL-TLPU sei kontinua halo protesta hasoru nia (Vise Ministra Saude-Red ), Nia dehan.

Nia mos hatutan, wainhira Vise Ministra kontinua bandu jornalista sira atu husu pergunta, mak Asosiasaun Jornalista sei trava hotu informasaun neebe mak Ministra iha atu fo sai ba iha publiku.

Entretantu  iha komunikadu nee mos asosiasaun jornalista rua AJTL_TLPU husu ba Ministeriu Saude atu kria sentru midia ba COVID-19, atu nunee bele fornese informasaun lolos no klean ba midia iha periodu propagasaun COVID-19.

Aleinde nee Asosiausaun Jornalista mos husu komisasaun COVID-19, tenke kria mos relasaun diak ho jornalista sira, hodi fo espasu nakloke ba jornalista sirs atu husu pergunta kona ba asuntu COVID-19 neebe daet ona mai iha Timor Leste no komisaun, COVID-19 neebe lidera husi Ministeriu Saude tenke halo tratamentu justu ba jornalista sira ka midia hotu-hotu, tantu midia publiku ka midia privadu bainhira realiza komferensia imprensa ruma.

Antes nee Ministru Reforma Lejizlativa no Asuntu Parlamentar Fidelis Magalhaes hatete, hanesan komisaun ninia knaar atu haree liu ba surtu neebe mak akontese no afeta ona ba rai-laran, tanba governu fo ona asume ona knaar tomak ba komisaun interministeriál neebe kompostu husi Ministeriu no lidera husi Ministériu Saude.

Intermu komunikasaun kompetente, kabe ba papel instituisaun relevante neebe maka tuur iha komisaun interministerial, tanba nee tenke servisu no halo esforsu atubele iha komunikasaun neebe diak liu tanba situasaun nee evolui, esplika  Ministru nee.

 Nia dehan, jornalista sira tenke koopera diak ho komisaun interministerial, nunee komisaun bele hatoo informasaun ho loloos ba sidadaun sira.

La iha informasaun ida neebe loos nee defísil atu manan luta kontra COVID-19 tanba agora eziji informasaun ka metodu partilla informasaun neebe tenke bebeik, nunee populasaun hatene saida maka lao hela no sira akompana ho klean no kalma, Nia esplika.

Povu Presiza Informasaun

Iha parte ketak Deputada Bankada KHUNTO Olinda Guterres husu ba Ministra Saude,  karik jornalsita sira hakbesik aan ba husu informasaun   simu sira,  tanba povu presiza informasaun.

Husu ba Ministra Saude  karik jornalsita sira hakbesik aan ba ita boot husu informasaun  ba ita boot, simu sira  no hatoo informasaun ruma, tanba povu presiza informasaun, dehan Deputada Olinda.  iha PN, Dili, Kinta (26/03/2020).

Iha fatin hanesan deputada Bankada PD Elvina Sousa Carvalho mos husu mos ba Minisra Saude Elia A.A dos Reis Amaral,   atu fo oportunidade ba jornalisita sira, para nunee sira  bele hetan informasaun neebe kredivel, hodi fahe ba  povu tomak.

Hau fiar katak, ita boot bele halo kooperasaun ho jornalsita sira, dehan Elvina.

Reportajen: Alberto Menezes/ Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *