Faan Pulsa Kalan Diak Liu Loron

Faan Pulsa Kalan Diak Liu Loron

- in Metro
272
0
Estranjeru

DILI-Negosiante neebe mak faan pulsa no telephone iha area Merkadu Lama hetan rendimentu diak liu iha tempu kalan kompara ho loron.

Tuir negosiante faan pulsa no telephone, Mario Fatima Martins, ba STL iha nia knar fatin merkadu Lama Dili (11/09/2017) hatete, iha tempu kalan rendimentu neebe mak sira hetan liu husi negosiu pulsa bele  hetan to dolar ($60).

Hau laos foin faan pulsa iha nee (Merkado Lama), maibe hahu iha tinan 2006 ate ohin loron. Faan pulsa kalan ida hetan dolar nen nulu ($60), maibe loron ema barak mak faan neebe hetan deit dolar tolu nulu ($30),’’hatete Mario.

Nia hatutan liu husi negosiu pulsa iha dalan ninin nee hodi sustenta nia nia an rasik hanesan selu eskola. Tanba oras nee dadaun nia halao hela nia estudu iha Universidade Nasional Timor Lorosae (UNTL)

Iha fatin seluk negosiante Januario de Araoju haktuir negosiu faan pulsa neebe mak sira halo iha dalan ninin nee tamba situasaun mak obriga atu nunee bele kontinua estudu iha Universitariu.

Situasaun moris mak obriga tenki faan hodi sustenta eskola inklui mos uma laran rasik tamba hanesan estudante labele depende demais ba ema seluk,’’hatete Januario.

Nia parte mos lamenta tebes ho hahalok saneamentu neebe mak sempre duni negosiante neebe buka moris iha dalan ninin, tanba hahalok nee hamate komunidade sira atu buka moris.

Entertantu, Nelson Martins mos hatete, nia parte kontente tebes tamba liu husi negosiu pulsa, sigaru no simcard neebe mak nia halo nee bele sustenta nia hodi kontinua ninia estudu iha Universidade Dili (UNDIL).

“Kontente tebes tanba mai husi Baucau iha tinan 2013 lori deit osan ($70.00) hodi mai buka moris iha Dili maibe osan neebe mak hau lori mai nia maneja hodi hola pulsa, sigaru no simcard hodi hetan lukru too kontinua estudu iha UNDIL husi semester ida to remata estudu,”.*Estajiariu 2.

Facebook Comments

Leave a Reply

Your email address will not be published. Required fields are marked *