F-FDTL Hahu Distribui Formulariu Rekrutamentu

F-FDTL Hahu Distribui Formulariu Rekrutamentu

- in Nasional
19
0
Major_Calisto_Santos_Coli

DILI-Komisaun Rekrutamentu F-FDTL, hahu dia 25 Novembru 2019, komesa distribui formulariu rekrutamentu ba foinsae Timor oan neebe hakarak sai militar F-FDTL.

Relasiona ho rekrutamentu nee, Komisaun Rekrutamentu Konjuntu Ministeriu Defeza no Komando F-FDTL koloka ona ekipa konjunta hamutuk nain 13 hodi tun direita ba kada munisipiu inklui RAEOA, no postu administraitvu 65, no suku 450 hodi fahe direita vaga formulariu rekrutamentu. Formulariu nee konta hamutuk 11.000.

Prezidente Komisaun Rekrutamentu F-FDTL, Xefe Estadu Maior F-FDTL, Tanente Coronel Calisto dos Santos “Coliati”  husu ba membru Komisaun Rekrutamentu neebe hahu halo distrbuisaun formulariu, tenki kaer metin prinsipiu no valores militares bainhira tun ba terenu, halao servisu tenke profesionalismu.

Servisu sira neebe Komando F-FDTL no Ministeriu Defeza fo ba komisaun, tenke susesu iha prosesu distibuisaun, hodi responde ba ema barak no interese nasaun nian. Membru ekipa neebe sei tun ba terenu iha munisipiu 13 hamutuk ema nain 51 kompostu husi militares no sivil husi Ministeriu Defeza,  hatete Coliati iha Salaun Enkontru Kuartel Jeneral F-FDTL Fatuhada, Dili, Segunda (25/11/2019).

Formulariu rekrutamentu neebe prepara, fahe ba kada suku hamutuk 25 formulariu, maibe iha flexibilidade. Depende ba nesesidade iha terenu. Karik iha suku ida, liu husi ema nain 25, maka komisaun sei haree oinsa bele hatoo formulariu sira ba joven sira neebe iha interesadu atu hola parte.

Bainhira komisaun distribui ona formulariu ba suku sira, no atu hadok husi aktu sira hanesan familiarismu iha prosesu rekrutamentu nee, nia husu ba autoridade suku sira neebe hetan fiar husi ninia ema,  hanesan liu husi eleisaun suku, tenki servisu ho laran mos tanba nasaun Timor Leste  hamrik liuhusi funu, liuhusi ema nia terus no mate. “Tan nee atu servi, tenki servi ho lolos. Karik servi lalos, ida nee problema ninia,” hatete Coliati.

Nia informa katak, Domingu (24/11/2019) dader too kalan, nia simu telefone husi ema. Husi Leste ba too Oeste, husi Norte ba too Sul. Iha fatin balu nia hatete katak,

Ida nee hau la akuza liurai sira. Maibe ema reinu neebe telefone mai hau hatoo nunee ka lae. Hau apela ba sira hotu, atu hotu-hotu bele tau atensaun.dehan Coliati

Iha suku balu iha 25 formularius, balu mosu ba liurai (xefe suku) hatete katak formulariu 25 nee pas tiha ona. Signifika, liurai iha tiha ona ema nain 25, enkuantu formulariu seidauk too ba suku.

Nia husu ba liurai sira atu honestu hamrik iha klaran nudar aman, nudar ulun ba reinu iha suku laran. Nia husu sira labele uza oprtunidade ba  interese individual ka grupu.

Iha fatin hanesan, Segundu Prezidente Komisaun Rekrutamentu F-FDTL, Nuno Carvalho dos Santos esplika, formulariu neebe komisaun imprimi sai nee orizinal. Sei laiha falsifikasaun  dokumentus iha prosesu rekrutamentu F-FDTL nee.

Ami garante numeru formulariu sira atu distribui nee. Ami defini ona katak kada suku iha deit formulariu 25 maibe lasignifika hamate ema nia numeru iha suku ida.katak Nuno

Bainhira formulariu iha suku latoo, no sira neebe lahetan formulariu hahu husi  dia 14 Dezembru 2019, bele ba foti iha Kuartel Jeneral F-FDTL Fatuhada. Maibe ba, tenki lori ho kartaun eleitoral husi suku neebe hela ba.

Tanba nee, nia alerta ba partisipante neebe hakarak partisipa iha selesaun/ rekrutamentu, atu labele halo falsifikasaun dokumentus. Bainhira komisaun haree hetan, sei hasai kedas husi prosesu selesaun nee.

Husi parte seluk, Xefe Suku Bairo Pite Joao Baptista Belo hatete, Komandu F-FDTL distribui deit 25 furmulariu ba kada suku, maibe konaba kriteria rekrutamentu autoridade suku seidauk simu.

Ami hein deit kreteria sira lori mai, hamutuk ho formulariu, para ami halo distribuisaun,nia dehan.

Nia hatete, juven sira hatene antes ona konaba kreiteria rekrutamentu. Juven sira trata ona kartaun bilite identidade no dokumentu sira seluk.

Iha Suku Bairo Pite, nia laiha familia. Uluk kedas nia fo hatene bebeik katak familia nee aparte. Tuir estadu nian, tenki lao tuir lei neebe iha. “I hau hanoin, formulariu 25 kada suku nee latoo. Komisaun sira mai, hau sei hatoo ba sira,” nia dehan. ESTI 01

 

Komentariu

Facebook Comments

Leave a Reply

Your email address will not be published. Required fields are marked *