F-FDTL Distribui Formulariu 22.000

F-FDTL Distribui Formulariu 22.000

- in Metro
85
0
20191210_142449

DILI-Komandu Falintil-Forsa Defeza Timor Leste (F-FDTL), fo espasu ba joven sira tantu feto ona mane atu hola parte iha rekrutamentu membru F-FDTL foun 2020.

Dadus ikus neebe fo sai husi komandu F-FDTL liu husi Komisaun Rekrutamentu mensiona  katak  komisaun distribui ona Formulariu   hamutuk  22.000 iha timor laran tomak.

Segundu Prezidente Komisaun Rekrutamentu F-FDTL, Nuno Carvalho dos  Santos dehan atendementu simu formulariu relasiona rekrutamentu membru F-FDTL foun  too deit iha  (18/12/2019) too oras tuku 4: 30 lokraik.

Ami  nia saudasoens ba iha Timor laran tomak, liu liu ba joven feto no mane neebe mak namkari iha Timor laran tomak, dehan Nuno liu husi  konferensia imprensa iha Kuarter Geral Fatuhada Dili, Tersa(17/12/2019).

Nia hatutan joven neebe  interesadu hakarak tama iha fileiras Forsas Armadas ou konkore vaga ba iha rekrutamentu iha F-FDTL, komandu loke ona oportunidade ba iha publiku, sei taka ofisialmente prosesu fahe  formulariu ba rekrutamentu F-FDTL 2020 nian.

Nia salienta  inseramentu  prosesu rekolla ou fahe formulariu ba joven sira ba feto mane neebe mak hakarak tama iha forsas armadas, nunee aproveita oportunidade ida nee hakarak agradese ba publiku,  pasensia no kolaborasoens ho komisaun organizadora konsege halo duni tuir kalendariu neebe mak defini husi komisaun  organizadora.

Komisaun  rekrutamentu mos agradese  ba media neebe mak ho sira nia kontribuisoens, publika hetan informasaun husi komisaun rekrutamentu ba iha publiku,  agradese mos ba publiku autoridade sira hotu neebe mak durante nee  kopera ho komisaun organizadora ho komisaun rekrutamentu nian.

 Nuno relata   ekipa husi komisaun rekrutamentu tun ona ba baze liu liu  iha xefe suku sira no mos sira neebe mak durante loron lima simu   iha kuartel jeral lori  autoridade lokal sira, nunee komisaun  rekolla  dokumentus sira neebe tau iha suku.

Hahu  6  Janeiru  katak Nuno, ekipa sei tun fila fali ba iha baze hodi rekolla dokumentus sira neebe mak aplikante sira hatama iha suku, apela mos ba joven sira katak ultimu dia atu entrega formulariu ba iha suku mais tarder too dia 3 janeiru hotu hotu tenke hatama ona.

Nunee mos ba joven sira neebe mak foti formulariu iha Kuarter Jeral karik balun ladun hatene informasaun bele ba suku, tanba formulariu neebe joven sira prense  sei ba hatama hotu iha ida-idak nia suku, depois komisaun sei tun rekolla.

Nuno akresenta katak   interese estadu nian atu kontrola, labele ho dokumentus falsu ka falsifika  dokumentus. Tan nee presiza iha protesaun no presiza kopera diak ho autoridade lokais sira husi suku. ESTI 09

Komentariu

Facebook Comments

Leave a Reply

Your email address will not be published. Required fields are marked *