Ezije Buka Ruin Saudozu Nicolau

Ezije Buka Ruin Saudozu Nicolau

- in Politics
28
0
noe_da_silva_ximenes_0

DILI- Deputadu sira iha palamentu Nasional ezije  Primeiru Ministru Taur Matan Ruak ho Prezidente Republika, Francisco Guteres Lu Olo atu buka tuir restus mortais Saudozu Prezidente Nicolau Lobato no Komandante Falintil Daitula inklui saudozu sira seluk.

Deputadu  Bankada PLP, Noe da Silva dehan Timor-Leste selebra loron invazaun (07/12/1075-2019), tan nee Timor Leste tenke fila ba kotuk hodi ezije governu Indonezia atu hatudu eroi balun neebe lakon hahu iha  75 too 99 inklui   Komandante Daitula.

Ita nia maluk sira neebe ita bele dehan oras nee dez apareisidu ka lakon hela, governu iha planu buka tuir  ka lae, no mos sira nia paraderu liu liu ita nia lider sira, hahu 75 to mai 99 ita nia ema barak mak lakon, no mos  ita nia kompaneiru Komandante Daitula, dehan Noe liu husi sesaun plenaria iha PN Segunda (09/12/2019).

Nia dehan,  oportunidade diak mak oras nee Taur ho Lu Olo, ida Primeiru Ministru no ida Prezidente, nee oportunidade diak para buka tuir maibe sira nain rua iha vontade ka lae.

Sa tan Primeiru Ministru no Prezidente da Republika ema rezistensia ida,  iha planu atu buka tuir ita nia maluk sira nee ga lae ba Prezidente nee oportunidade atu buka tuir ita nia ema sira nee, dehan nia.

Iha tempu hanesan Deputadu Bankada Fretilin David dias Ximenes dehan sira neebe mate iha ailaran hanesan Preziente Nicolau Lobato ho nia maluk sira seluk.  

Depois limpeza iha tinan 1979, akontesementu tinan 1980 ema kalan kalan lori sai,  tinan 1983 balun lori ba Kupan too ohin loron ita lahatene sira nia mate fatin iha neebe, dehan David.

Nia kestiona tanba saida mak too ohin seidauk iha politika klaru ida para fo fila,  ida nee sei koalia kada semana  iha plenaria.

Ida nee tenke preokupasaun nasional para ita nia ema neebe lakon  sira bele  fo fila apezar de mate ona, sa politika mak governu halo ona para ita bele hetan ita nai mate  sira nee, dehan nia.

Nunee mos Deputada Fretilin Helena Martins dehan eroi sira neebe lakon too agora liu liu ba saudozu sira neebe mak lakon iha loron 7 Dezembru 1975 mai too tinan 1999. Maibe oinsa politika VIII governu atu identifika saudozu sira  mate. Saudozu sira nia mate soe ka hakoi ita laharee no lahatene tanba nee governu  tenke iha planu atu buka tuir saudozu sira, reforsa Martins. Luciana Ximenes

Komentariu

Facebook Comments

Leave a Reply

Your email address will not be published. Required fields are marked *