Ezekusaun 2019 Monu Uituan

Ezekusaun 2019 Monu Uituan

- in Nasional
274
0
osan

DILI-Ezekusaun orsamentu jeral do estadu tinan 2019 nian monu uituan, tanba iha fulan Janeru governu la ho doudesimu, no Fevereiru ba Marsu nee maka governu foin ezekuta lolos. maibe la signifika katak ezekusaun sei atraza.

Kestaun nee fo sai husi Ministra Finansa e ezersisu Sara Lobo, ba jornalista Sesta (26/04/2019) iha Parlamentu Nasional, bain hira halo enkontru ho Komisaun B neee trata asuntu siguransa.

“Hau hanoin ezekutasaun OJE tinan 2019 nian, monu uituan, tanba iha fulan Fevereiru ba nee maka ita foin ezekuta lolos oje 2019 nee, maibe ida nee la signifika katak, ezekusaun sei atras, tanba ita hatene projetu infraestrutura nomos akuzasaun de kapitais, nomo kareta nee sei lori tempu uituan, tan nee fiar katak bain hira atu tama iha segundu trimestre nee ninia ezekusaun bele lao normal,”dehan Ministra Finansa e ezersisu.

Iha fatin hanesan Sekretariu Estadu komunikasaun Sosial, Mericio Akara hatutan, kada ministeriu ninia zekutasaun orsamentu kuaze 25% ba leten, signifika pozitivu tanba kada fulan tolu minimu tenke ezekuta too 25% no bain hira too fulan 6 nee ezekutasaun nee bele too 50%.

“Ita halo komparasaun iha Secoms rasik fulan tolu deit ezekuta ona 30%, ida nee hatudu progresu neebe diak, tanba nee governu ida nee halo hela esforsu bain hira atu tama ba fulan Maiu nee ezekutasaun bele too 50% ou bele liu husi persentajen neebe ida nee,”dehan reprezentante governu Atual Sekretariu Estadu Komunikasaun Sosial.* Madalena Horta/Guilhermina Franco

Komentariu

Facebook Comments

Leave a Reply

Your email address will not be published. Required fields are marked *