Eto Fornese Mina Sentral Hera-Betanu, Governu Kria Monopolizmu

Eto Fornese Mina Sentral Hera-Betanu, Governu Kria Monopolizmu

- in Nasional
96
0
PN

DILI-Oras nee dadaun kompania fornese mina ba sentral eletrisidade Hera no Betanu governu fo hotu ba kompania Eto, lakontinua extensaun kompania Sacom nee governu kria monopolizmu.

Kestaun nee hatoo husi Deputadu Fretilin Silvino Morais katak, durante nee kombostivel neebe fornese ba iha sentral Hera ho Betanu nee kompania Eto ho Sacom, maibe depois de  nee,  sira  dehan katak tuir informasaun husi ministru obras katak iha responsabilidade 20  mill  resin litrus agora presiza husi Sacom nee mak governu la extende Sacom nia kontratu,

Tuir ami nia haree katak se hanesan nee bele kria monopolizmu iha fornesementu abastamentu mina ba sentral eletrisidade 2 nee. Se kompania ida deit mak fornese nee ladun diak, tanba nee governu dehan hanoin atu extende kontratu Sacom mais too agora seidauk iha rezultadu, neebe too agora Eto mak sei fornese hela mina ba sentral 2 nee,” hatete Deputadu  Silvino ba STL Kinta (21/03/2019) iha PN.

Nia dehan kona ba dividas neebe governu seidauk selu  ee laos ba kompania ida deit maibe ba Sacom no Eto 2,  nee dividas seidauk selu hotu, eto nian boot liu Sacom nian,  i governu kalo haree ba ida nee mak hodi extende deit Eto  maibe Sacom lae. Maibe nia parte haree  ida nee single source, atu dehan deskriminasaun  mos ladiak maibe dehan deit katak singel source, tanba hapara tiha ida seluk fo deit preoridade ba ida, nusa mak lahapara tiha kompania 2 nee hotu loke konkursu foun para kompania sira ba Aplay hare ida neebe mak hetan tender hodi fornese mina  ba sentral 2 nee.

Extende Eto hodi fornese hotu ba fatin 2 nee laiha konkursu ida nee mak ladiak, tanba nee mak too agora sai tiha polemika ida ema hotu hatete katak governu foti sasan tuir sira nia hakarak. Se bele buat hotu konsidera hanesan emerjensia   laliu husi konkursu publiku ruma maibe dehan emerjensia fo direta deit nee ladiak, tanba nee hanesan opozisaun haree ba hahalok ETO ho Sacom nee hahalok deskriminativu,” Tenik nia.

Hatan ba kestaun nee Xefe Bankada CNRT Deputadu Duarte Nunes hatete, foin lalais audensia ho ministeriu obras publikas dehan Sacom lakumpri nia obrigasaun iha tempu impase politiku neebe iha problema osan, estadu lao ho duodesimu, maibe Sacom lakumpri nia obrigasaun lahatama mina, tanba nee Eto mak tenke fornese ba fatin 2 nee.  Notisia kompletu lee iha jornal STL edisaun Sesta (22/03/2019).Guilhermina Franco

Komentariu

Facebook Comments

Leave a Reply

Your email address will not be published. Required fields are marked *