Estudantes Rihun Ida Atus Tolu Lima La Asesu ME

Estudantes Rihun Ida Atus Tolu Lima La Asesu ME

- in Nasional
42
0

DILI-Estudantes rihun ida atus tolu lima, husi Ensinu Baziku Central 10 de Abril Gleno, too agora seidauk asesu ba programa merenda eskolar.

Tuir Direitor EBC 10 de Abril Gleno, Natalino de Jesus, hatete, implementasaun programa merenda eskolar ba tinan 2019, klaru katak, nee seidauk, maibe iha tinan 2018 ba tinan kotuk, estudante sira asesu teb-tebes ba programa merenda eskolar.

“Hau sente implementasaun programa merenda eskolar ba tinan 2019, klaru katak, nee seidauk, maibe iha tinan 2018 ba tinan kotuk, estudante sira asesu teb-tebes ba programa merenda eskolar, oinsa mak programa ida nee, bele iha ninia kontiunidade,”dehan Natalino ba STL hafoin partisipa iha seminariu iha salaun INFORDEPE Balide Dili Segunda (22/04/2019).

Natalino, sublina, Total estudantes hamutuk rihun ida atus tolu lima, professores hanorin quarenta um.

Nunee mos Direitora EBC Fatumeta, Fernanda Caldeira Belo, hatete, programa merenda eskolar halao nafatin, tanba programa merenda eskolar nee diak, maibe fila ba ema ida-idak, oinsa mak atu organiza diak programa ida nee.

“Ba hau hanesan programa merenda eskolar nee diak, maibe fila ba ita ida-idak, oinsa mak atu organiza, maibe hau hanoin merenda eskolar han nee lori oras tomak mak han, tanba estudante laos uituan, maibe ida nee planu edukasaun, entaun ita labele interven iha laran, ami prontu atu implementa, tanba ami laiha kompetensia,”dehan nia

Iha fatin hanesan, Direitor Edukasaun Munisipiu Dili, Duarte Braganca, hatete, hanesan implementador hein deit, tanba fos neebe halo distribuisaun ba eskola nee, laos iha Munisipiu, maibe iha governu sentral mak halo distribuisaun ba eskola sira.

“Ami hein deit, maibe importante mak programa nee tenke lao nafatin, tuir ninia tempu, tanba osan ba programa merenda eskolar, nee iha ona jestaun administrasaun Munisipiu ninia,”dehan nia.*

Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *