Estudantes Hadomi Natureza Preokupa Lixu          

Estudantes Hadomi Natureza Preokupa Lixu          

- in Edukasaun, Nasional
129
0
EHN

DILI- Estudantes Universidade Nasional Timor Lorosae (UNTL), liu husi organizasaun estudantes hadomi natureza preokupa kona ba lixu iha kapital Dili, neebe nakonu ho foer.

Tuir Estudantes Hadomi Natureza, Joao Fransisco Ruas Hornay, kapital Dili hanesan imagen Timor Leste, ohin loron nakonu ho foer.

Ita nia kapital Dili hanesan imagen Timor Leste rasik, ohin loron nakonu ho foer ema hotu iha mehi hakarak hadia nia moris, maibe haluhan tiha katak ambiente iha sor-sorin neebe foer hela deit, katak nia ba STL iha kampus UNTL, parlamentu nia sorin Tersa (10/12/2019).

Nia dehan, Timor oan hotu hahu husi labarik kiik oan, inan aman lakontrola oan sira no inan aman rasik laiha konsensia atu hanorin nia oan sira, no juventude barak lao ba fati-fatin sira soe foer abiru deit, ida nee maka rajaun prisipal organizasaun estudanntes UNTL hadomi natureza halo kampania lixu ida nee.

Nia afirma tan, husi estudantes universitariu ema hot-hotu iha mundu, liu liu nasaun Timor Leste rasik, ema sira iha rural hakarak dezenvolvimentu maibe dala barak ema iha kapital lakomprende kontestu saida maka dezenvolvimentu.

Iha fatin hanesan Estudantes Unital, Olinda Soares mos preokupa kona ba lixu sira neebe nakonu iha sidade Dili, tanba ema barak laiha konsensia sei soe lixu arbiru deit.

Nia dehan, maske governu sira prepara ona fatin lixu, maibe komunidade barak maka seidauk kontribui ba nia nasaun rasik, tanba sei soe foer arbiru deit.

 Tuir observasaun STL nota iha terenu katak iha sidade Dili nee sei nakonu ho foer, no rai rahun neebe naklekar hela iha dalan ninin sira, nee hatudu katak Timor oan rasik seidauk iha kontribuisaun ba nia nasaun rasik. ESTI 07

 

 

Komentariu

Facebook Comments

Leave a Reply

Your email address will not be published. Required fields are marked *