Estudantes 1023  Lapasa

Estudantes 1023  Lapasa

- in Edukasaun
50
0
image004

DILI-Estudantes hamutuk nain 51.676 (97.3%) neebe partisipa iha ezame nasional, maibe nain 1,023 mak la pasa.

Ministra Edukasaun Joventude no Desportu (MEJD), Dulce de Jesus Soares hatete, husi total estudantes nain 53.101, husi 9 anu no 12 anu, neebe rejista ba ba ezame, estudantes nain 51.676 (97.3%)partisipa iha ezame no nain 1,425 (2,7%) la partisipa.

Nia hatutan, tasa aprovasaun mak  98,02% neebe  estudantes nain 50,653 aprova.Tasa reprovasaun  1,98%, neebe  estudantes nain 1,023 mak la pasa.

Uja oportunidade ida nee, hau ho vise MEJD, hakarak hatoo ami nian obrigada barak ba direjente hotu iha MEJD, ba too iha Munisipiu, inklui inan aman sira,lider sira hotu, neebe fo apoiu, nunee MEJD bele halao EN, hanesan parte ida importante liu, husi servisu tomak MEJD nian iha tinan ida. Ami mos hatoo parabens ba estudante sira hotu, hahu husi EBC, ESJ no tekvo, neebe tuir ona ezame, oinsa bele kontinua estudu ba oin, dehan MEJD Dulce ba jornalista liu husi anunsia rezultadu EN, iha salaun konferensia MEJD, Vila-Verde, Dili,Kinta (05/12/2019).

Dulce hatete, kona ba dadus ensinu baziku nian, estudantes 9 anu total nain 30.121 mak rejista atu ezame, no nain 29.517 (98%) partisipa no nain 604 (2%) la partisipa, maske sira rejista tiha ona. Husi estudante sira neebe tuir ezame duni, estudantes nain 28.848 (97,73 %) mak pasa no nain 669 (2,27%)la pasa.

Nia dehan, relasiona ho 12 anu husi ensinu sekundariu jeral, husi total estudantes nain 17.753 neebe rejista tiha ona, nain 17.253 (97,2%)mak partisipa no nain 500 (2,8%)mak la partisipa, maske rejista ona.Husi estudante sira hotu, neebe tuir ezame, nain 17.001 (98,54%)mak aprovadu no nain 252 (1,46%)mak la pasa.

Governante nee esplika tan katak,ensinu Sekundariu Tekniku Vokasional husi total estudantes nain 5.227 neebe rejista ona iha ezame, nain 4.906 (93,86%)mak partisipa no nain 321 (6,14%)mak la tuir, maske rejista ona.Husi estudante sira hotu neebe tuir ezame, nain 4.804 (97%)mak aprovadu no nain 102 (2,1%)mak la pasa.

Ami hatoo mos agradese ba unidade kurrikulu ho ekipa tomak no sentru empresaun. Depois ita sei halo distribuisaun diploma iha dia 10 de Dezembru, liu-liu ba ita nian estudantes neebe aprovadu, dehan governante nee.

Nunee mos Koordenador Unidade Curriculum Nasional, Fernando Gama, dehan, iha biban ida nee, MEJD iha unidade kurrikulu nasional, tinan-tinan sempre halo prosesu ba EN ano letivu tinan ida nee, purtantu prosesu EN ida,atu informa katak, prosesu ida nee, iha inisiu komesa iha prosesu neebe naruk,maibe buat hotu lao ho diak.

Too ohin loron ita prepara atu anunsia rezultadu EN, purtantu prosesu EN ida nee, iha nian planu neebe tuir mai, admiti hau atu hatoo,ita halao ezame iha 14-16, depois tuir mai faze ba koresaun, ida nee mos kuaze fulan ida resin, neebe ita hahu koresaun iha dia 20 de Outubru, nomos validasaun neebe ita hahu dia 15 Novembru, finaliza iha ikus mai ita anunsia rezultadu, prosesu nee hotu, ho ita nian kooperasaun hotu, buat hotu lao ho diak, dehan nia

Nia hatete, diploma ba estudante sira neebe mak aprovadu, sira nian diploma prepara ona, hein deit halo prosesu tuir manual neebe mak iha, depois dia 10 de Dezembru, sei distribui diploma ba estudantes neebe aprovadu.

Atu anunsia rezultadu EN,husu diretor edukasaun Munisipiu sira, tenke anunsia ho notas estudante sira nian, labele hakerek deit aprovadu no reprovadu.Husu ba ita boot sira, anunsia rezultadu EN,koordena ho PNTL, para bele asegura rezultadu ida nee, tanba ita nian estudantes barak mak sei la liu,tanba eskola ida bele too nain balasan mak la liu, dehan nia

Entretantu Vise Ministru Edukasaun Joventude no Desportu (MEJD), Joao Zacarias, neebe lee sai valor estudantes neebe kualifikadu,primeiru no segundu kuafikasaun  husi ensinu baziku EB cafe Bobonaro, estudantes nain rua, estatutu publiku, ho naran estudante Selviana Alexandra Lay, ho valor 44,no Renalia Barreto de Carvalho ho valor 44.

EB Sao Pedro, estatutu katolika, ho naran estudante Zenitha Mazia Angela Perreira ho valor 43, EB sagrada kurasaun de Jesus, estatutu katolika ho naran estudante Claricia PiedadeVong Soares, ho valor 43, EB sao cristovao,Vidigal de Jesus Mendes ho valor 43.

EB Santo Inancio de Loiola, Leonida Lay Kiik, ho valor 43, EB cafe Dili, Leodia Pascoela de A Monteiro ho valor 43, EB sao cristovao, Tito Lucinziro R. dos R. Sousa ho valor 43, EB paulo VI, Graciela Maria Cardoso Amaral ho valor 43.

 EB cafe Liquisa, Arcenia Femario da C Augusto ho valor 43, EB cafe Covalima Nidia Moniz Carvalho ho valor 43, EB dom Bosco Fuiluro, Eleonora D A Alves Quintas ho valor 43, EB cafe Baucau, Pricila J da Costa ho valor 43.

Nia hatete, Ensinu sekundariu siensia teknolojia,estudantes neebe iha kualifikasaun diak, husi ESJ sagrada corasaun de Jesus Elvis Araujo da S Quintas, ho valor 54, ESJ santo inacio de loiola Jania O M Martins, ho valor 54, ESJ sagrada curasaun de Jesus, Nelson A. Guterres ho valor 54, ESJ seminario minor, Demetrio Amandio da Silva Cabral ho valor 54, ESJ  Santo Antonio Inacio Baucau (ESSA), Romario J de C Quintao ho valor 54, ESJ Nino Conis Santana, Francelino O.Gaiola da Costa ho valor 54.

ESJ santo inacio de loiola, Espedito B da Costa, ho valor 53, ESJ sao pedro Comoro, Carlos Bras X Lima ho valor 53 , ESJ Nino Conis Santana, Arnaldo da C Fernandes ho valor 53, ESJ santo Antonio Baucau (ESSA), Luciano Junior Teixeira ho valor 53.Siensia sosiais no humanidadades,

 ESJ Santa Cadalena de Canossa, Cristiano Vieri Dias Gusmao ho valor 51, ESJ santo Inacio de Loiola, Cristovao de Araujo ho valor 51, ESJ paulo VI, Tunychio M.M. do R. Cabral, ho valor 50.

Iha fatin hanesan, Diretor Edukasaun Munisipiu Covalima, Teotonio da Cruz Teles hatete,seguransa tinan-tinan, nee responsabel ba edukasaun Munisipal ba too iha Munisipiu.

Ohin fo sai ona rezultadu EN  iha MEJD, agora aban ami hahu distribui ona ba iha eskola sira, tanba dia 9, husi parte eskola nian sei fahe ba inan aman estudante sira nian, nia informa.

Entretantu anunsia rezultadu EN nee, halao iha salaun konferensia MEJD Vila Verde Dili Kinta horseik, neebe hetan partisipa husi direitur edukasaun Munisipiu 13, diretur nasional, xefi departamentu husi MEJD. Jacinta Sequeira/Donaciano Magalhães

Komentariu

Facebook Comments

Leave a Reply

Your email address will not be published. Required fields are marked *