Estudante Tenke Hatudu Étika

Estudante Tenke Hatudu Étika

- in Edukasaun
79
0
timorild

DILI- Edukasaun neebe atu lao diak maka estudantes tenke hatudu attitude diak ho moral liu husi hahalok lor-loron nian husi familia, sosiedade no too iha eskola.

Aquelino Soares, nuudar  konseleiru ba estudantes  iha  EBC  Fatumeta, hatete, los duni dala barak  iha sala paredi eskola ninia nee, estudante sira uza fali lapis ou lapizeira riska tun sae, nee ladun diak, tanba  estudante sira tenke iha etika, para  labele hakerek arbiru  iha  paredi sala ninia.

Ida nee  ita  nuudar  edukador mak tenke fo hanoin ba ita nian estudante sira, atu nunee sira  labele halo hahalok hanesan nee iha eskola, tanba  estudante  sira  bainhira riska tun sae iha paredi eskola ninia, nee labele, tanba  sala sira nee professor sira uza para atu bele fo prosesu aprendizajen ba ita nian estudante  sira,”dehan  Aquelino  ba  STL, ihaDili,  Kinta  (05/10/2017).

Iha  parte seluk  Eurico  Araujo,  hanesan dekanu fakuldade  siensia  sosiais UNTL, hatete, se karik  iha area  eskola mak  hakerek  uza ho lian aat iha paredi  eskola ninia, entaun ida nee, hanesan knar no kompetensia  nee  edukador sira mak tenke fo hanoin ba estudante sira, atu nunee  labele naran hakerek  arbiru iha paredi eskola ninia.

Prontu hau hanoin buat ida nee, hanesan komportamentu ida neebe mak la diak, dala ruma mai husi ita nia joven sira, hakerek tun sae iha paredi sira uza ho lian neebe mak la diak, ida nee hanesan ita falta moral baziku hodi akontese kestaun sira hanesan nee. Se akontese iha paredi eskola ninia, edukador sira mak tenke fo hanoin ba estudante sira, tanba ida nee, hanesan hatudu komportamentu neebe mak ladun diak, nomos falta etika moral, no falta respeitu ba sosiedade,”niadehan.

Nunee mos  Direitor  Edukasaun Munisipiu  Dili, Duarte Braganca, hatete, apela  ba estudante sira  atu labele  uza lapis hakerek tun sae iha paredi sala eskola ninia, tanba  sala balun  foin loke  foun, para estudante sira  bele uza  ba iha prosesu aprendizajen, tanba nee, estudante sira labele uza lapis riska tun sae paredi  sala eskola ninia.

“Apela ba estudante sira atu labele uza lapis hakerek tun sae iha paredi sala eskola ninia, tanba ita nia sala balun ita foin loke foun, atu nunee estudante sira bele uza ba iha prosesu aprendizajen, tanba ida nee hatudu ambiente neebe mak ladun diak iha sala laran, husu ba estudante sira atu labele riska tun sae sala paredi eskola ninia,”tenik nia. Jacinta Sequeira

Facebook Comments

Leave a Reply

Your email address will not be published. Required fields are marked *