Estudante Cristal 325 Tuir Formasaun DH

Estudante Cristal 325 Tuir Formasaun DH

- in Edukasaun
3385
0
Cristal

DILI – Estudante finalista terseiru ano ensinu sekundariu Cristal hamutuk 325 tuir formasaun konaba Direitus Humanus (DH) neebe mak oferese husi Provedoria Direitus Humanus no Justisa (PDHJ).

Formasaun konaba Direitus Humanus nee realiza durante loron rua neebe mak halo iha edifisiu Cristal Balide-Dili Tersa (17/10/2017).

Objetivu husi formasaun nee tuir Diretor Ezekutivu Fundasaun Cristal, Agustino dos Santos Gonsalves ba jornalista sira iha katak, atu aumenta kuinesementu estudante finalista sira nian liu-liu iha area direitus humanus hodi prevene konflitu iha rai laran.

Formasaun direitu humanus importante tebes ba estudante sira liu-liu sira finalista hodi kontinua sira nia estudu. Liu husi formasaun nee atu haklean estudante sira nia kuinesementu konaba direitus humanus hodi prevene an husi konflitu nomos sira bele hatene saida mak direitu ema nian no sira nian rasik,” dehan Agustino.

Fundador Cristal nee hatutan tan katak, Cristal iha ona planu sei servisu hamutuk ho PDHJ atu kontinua fo formasaun ba estudante finalista sira tinan-tinan antes estudante sira husik hela eskola sekundaria.

Alende nee liu husi formasaun direitus humanus nee mos atu minimija konflitu neebe mak komete husi estudante sira tantu iha eskola nomos iha liur tanba hanesan estudante tenke hatudu imagen neebe mak diak ba sosiedade tomak nomos ba familia.

Iha fatin hanesan reprejentante provedor PDHJ, Silvino Saldanha Pereira mos hatete, formasaun direitus humanus neebe mak fo husi PDHJ nee oinsa atu estudante sir abele hatene lolos saida mak direitus humanus.

Hanesan estudante persija hatene lolos saida mak direitus humanus atu nunee sir abele respeita ema seluk. Bainhira sira lahatene direitus humanus entaun sira hanoin mak sira nia an deit tanba ema hotu neebe moris iha direitu hanesa. Hanesan estudante iha direitu atu eskola iha fatin diak maibe estudante mos iha dever atu kumpri regras no seluk tan,” dehan Silvino.

Iha formasaun direitus humanus nee hetan partisipasaun masimu husi estudante feto no mane finalista terseiru ano ensinu sekundariu Cristal. Thomas Sanches

Facebook Comments

Leave a Reply

Your email address will not be published. Required fields are marked *