Estranjeiru 882 Viola Vistu Traballu

Estranjeiru 882 Viola Vistu Traballu

- in Metro
113
0
Ema Ilegal

DILI — Dadus Polisia Servisu Imigrasaun (PSI) nian mensiona katak iha Iha 2018,  sidadaun estranjeiru neebe viola vistu traballu hamutuk nain 882 resin, balu espulsa ba nia rai, seluk iha prosesu multa.

  Kontra regra, viola vistu nee sempre lao bebeik, no iha tinan kotuk 2018, ita deteta ema sira neebe viola vistu ho total 882, ida nee numeru neebe aas tebes,”  dehan Komandante Operasaun, Polisia Servisu Imigrasaun, (PSI) Inspetor Fortunato Fausto Guterres ba STL iha nia knar fatin Sesta foin lalais Villa Verde-Dili foin lalais nee

Nia hatutan iha  2018, servisu imigrasaun ezekuta ordem hosi tribunal nian, hodi espulsa sidadaun estranjeiru nain hitu (7), sai hosi teritoriu Timor-Leste, nunee  sei iha ema nain neen nulu resin tolu (63) sei iha hela prosesu administrativu servisu imigrasaun nian.  “Sira seluk neebe mak tama iha prosesu administrativu nee mak agora dadauk sira kona prosesu, no sei aplika infrasaun multa ba estadu,” tenik Fausto.

PSI identifika mos sidadaun esranjeiru hamutuk  35 mak komete iha krime hanesan trafiku humanu, maibe sira balun kumpri ona sira nia sentesa neebe tribunal hamonu. “Sidadaun 35 neebe komete iha trafiku humanu, balun mos kumpri ona sira nia sentesa neebe mak tribunal fo ona ba sira, no sira nee sai ona hosi Timor Leste,” dehan nia

Komandante Operasaun nee promote sei hadia servisu imigrasaun diak liu  iha future  hodi tau matan ba sidadaun estranjeiru neebe hela iha Timor, no sira neebe tama sai Timor-Leste.

Komandante nee apela ba kompaña hotu-hotu iha Timor laran, tantu kompaña estranjeirus, ka kompaña lokal, neebe uza ema estranjeiru tenke komunika ho servisu imigrasaun, para ema sira neebe servisu iha kompaña sira nee ho legal tuir prosedementu neebe iha. PSI sei kontinua halo Inspesaun atu bele regulariza ema estranjeiru sira neebe hela iha Timor Leste, tantu nia tama  sai  no mos nia hela iha teritoriu TL.

Servisu imigrasaun nian  ejistensia katak Fausto  lao tuir regras servisu imigrasuan, nunee bele impeña nia servisu no funsionamentu, espera katak tenke hadia diak liu,  tan servisu balun presiza haree hodi kombate iregularidade, ka imigrante illegal sira, tantu hela iha teritoriu nasional, no mos balun koko atu tama illegalmente mai Timor. Geovania Silva

 

Komentariu

Facebook Comments

Leave a Reply

Your email address will not be published. Required fields are marked *