Estrada Bobonaro – Covalima Grave

Estrada Bobonaro – Covalima Grave

- in Distritu
75
0
Estrada

DILI-Kondisaun estrada husi Bobonaro, Lolotoe ba too iha Suai, Covalima, grave. Nunee mos husi Fatumea ba Suai Vila. Tama tempu udan, kareta no motor labele halo operasaun ba mai.

Dalabarak komunidade Bobonaro no Suai hatoo bebeik problema nee ba governu maibe too agora governu nasional laresposta. I husu ba ministeriu kompetente presiza haree netik komunidade Bobonaro no Covalima nia lian.

Preokupasaun nee hatoo husi deputadu Manuel de Carvalho iha sesaun plenaria Parlamentu Nasional, Segunda (9/10/2017).

Ami preokupa tanba iha tempu bailoro, kompania lubuk ida hatama sira nia proposta ba ministeriu relevante atu halo rehabilitasaun estrada iha area Bobonaro no Covalima, maibe too VI GK remata ministeriu kompetente lafo despaisu,” dehan Manuel de Carvalho.

Kondisaun estrada iha Bobonaro no Covalima ladiak halo povu barak kuandu hetan moras, labele ba halo tratamentu iha munisipiu. Husu ba governu ida agora nee, atu haree kontratu sira neebe butuk hela iha ministeriu.Iha fatin hanesan deputadu Mericiu Akara mos dehan, kondisaun estrada neebe aat, laos akontese deit iha Munisipiu Bobonaro no Covalima maibe Munisipiu Viqueque mos, kondisaun estrada ladiak.

I hau hanoin governu ida nee tenke tau matan ba setor infraestrutura iha rai laran, atu nunee povu neebe hela iha area remotas sira nee bele sente mos dezenvolvimentu ida nee,” nia dehan.

Mateus de Araujo (emprejariu) dehan, agora tama ona ba tempu udan, tanba nee governu tenke toma atensaun ba kondisaun estrada iha baze atu nunee bele, fasilita diak liu tan transporte sira neebe maka halo viazen ba mai munisipiu.

Ermera-Fatubesi 

Nunee mos Munisipiu Ermera. Kondisaun estrada husi Ermera Kota Tuan liga ba Postu Administrativu Fatubesi. Kondisaun dalan diresaun nee grave tebes. Parte balu rai halai no halo estrada klot. Nee ameasa ema nia vida, hateten membru Bankada PLP, Abrao Jose Freitas ba STL iha Uma Fukun PN, Dili, Tersa (10/10/2017).

Nia informa, kondisaun estrada husi Ermera ba Fatubesi agora iha kondisaun ameasa, liliu ba transporte publiku. Udan tun rai aat liu. Komunidade sira labele hetan asesu ba transporte publiku. Laos nee area Ermera deit. Kuaze estrada rurais sira aat. Ida nee, presiza governu tau iha planu orsamentu.

Oinsa mak bele hadia estrada sira nee, tanba estrada nee infortante ba sirkulasaun ekonomia bainhira povu agrikultura sira hetan asesu ba transporte hodi tula sira nia produtu lokal ba faan iha merkadu.

Preokupasaun nee nia foti iha plenariu PN, oinsa mak atu transmute informasaun nee ba Ministeriu Obras Publiku Transporte no Komunikasaun (MOP-TK). Oinsa tau prioridade ba estrada neebe mak aat liu-liu estrada Ermera-Fatubesi.

Membru Bankada Fretilin Aurelio Freitas Riberio haree katak, laos estrada Ermera ba Fatubesi mak sira preokupa, maibe deste uluk kedas sira preokupa iha timor laran tomak neebe balun sei aat. Maibe atu hadia estrada iha timor laran tomak depende ba kbiit orsamentu governu. Madalena Horta/Augusto da Costa

Facebook Comments

Leave a Reply

Your email address will not be published. Required fields are marked *