Estrada Aat, Agrikultor Susar Asesu Ba Merkadu

Estrada Aat, Agrikultor Susar Asesu Ba Merkadu

- in Economics
246
0
Projetu

DILI-Governu kontinua impresta osan husi Nasaun doadores sira hodi hadia setor infra-estrutura iha rai laran, maibe realidade neebe akontese Estrada liga ba Munisipiu sira nee balun hahu aat, hodi fo impaktu ba agrikultor susar asesu ba merkadu.

Tuir Reprezentante povu iha uma fukun Parlamentu Nasional, Prezidente komisaun E neebe trata asuntu infra estrutura, Pedro da Costa katak, Estrada iha TL barak komesa aat dadauk ona impaktu husi udan neebe la fo fatin.

Hau hanoin estrda aat fo impaktu ba transporte sira neebe tula sasan ba mai, no povu agrikultura sira mos labele lori sira produtu lokal mai faan iha Nasional, tan nee miniteriu kompetente tenke haree problema nee,”informa Prezidente Komisau E neebe trata asuntu infraestrutura Pedro da Costa ba STL iha nia knar fatin PN, Tersa (18/04/2017).

Iha fatin hanesan Deputadu Joao Adriano mos hatutan katak tempu udan fo impaktu ba komunidade sira neebe hela iha area rural labele lori sira nia produsaun ba iha merkadoria, karik lori ba mos tenke lao ain, tanba iha Munisipiu ba merkadu dook hosi komunidade sira nia hela fatin, tan nee produtu neebe atu faan nee sira tenke tutur deit maka lao ba merkadu,”dehan nia.

Hau hanoin dalan kuandu aat bele fo impaktu boot ba tarifa transporte nia folin sei sae makas iha Munisipiu tanba nee fo impaktu ba povu kiik nia moris,”afirma deputadu.

Nunee mos Deputadu Paulino Monteiro mos hatutan katak, Estrada aat nee laos iha Distritu deit, maibe ita hare deit Dili nebe sai hanesan kapital nee mos sei taka kuak loke kuak, no iha Distritu parese kareta liu la diak, tan nee maka ema nebe halo Negosio gosta hasae sasan folin kuanndu rai nee udan, tamba kareta labele ba mai, dala ruma mos dalan kotu, nee fo impaktu boot ba povu kiik nia moris. Madalena Horta

 

Facebook Comments

Leave a Reply

Your email address will not be published. Required fields are marked *