Estajiadu UNTL 2 Faan Obralan, Solusaun Nesesidade Familia

Estajiadu UNTL 2 Faan Obralan, Solusaun Nesesidade Familia

- in Metro
242
0
Xineza

DILI – Faan Obralan hanesan solusaun ida ba povu kiik laek atu responde ba nesesidade no sustenta familia uma laran nian atu bele hadia objetivu moris iha futuru.

Obralan Aimutin hanesan fatin estratejiku kompara ho fatin sira seluk neebe faan obralan iha Dili laran. Tanba komunidade ho funsionariu publiku kuaze loron loron sempre vizita ba fatin refere hodi haree ba obralan neebe nakonu ho kores oioin.

Tuir Aniceito da Rosa dos Santos nuudar negosiante obralan katak, faan obralan nee hanesan meius ida atu bele rezolve nesesidade uma familia no ajuda inan aman hodi selu ba alin sira nia eskola.

Obralan nee faan kada loron ida presu dalaruma tun sae loron ida bele hetan 20 dollares ou dala ruma mos bele la hetan,” dehan Aniceito ba STL, iha Aimutin Tersa (12/09/17) .

Nia hatutan, uma neebe utiliza hodi faan nee aluga kada fulan selu taxa ba uma nain ho orsamentu total 50 dollares, maibe ida nee mak dalan ida neebe mak fasil hodi buka osan atu sustenta familia sira.

Iha fatin hanesan negosiante Arlinda Soares Pinto akresenta nuudar povu kiik buka moris liu husi faan obralan hodi bele responde ba nesesidade uma laran nian hodi bele hetan futuru neebe mak diak. No, obrolan neebe mak faan loron ida bele hetan lukru husi kompradores no dala ruma mos la hetan depende deit ba sosa nain sira.

Obralan neebe mak faan nee komparadores husi populasaun inklui mos funsionariu publiku mak kada loron mai sosa, obralan nee faan ho presu minimal 2 dolares ou masimal 6 dolares,”dehan Arlinda.

Nia mos propoin mos ba Ministeiru kompetente hodi bele tau matan ba fatin neebe mak utiliza hodi faan obralan, tanba kondisaun ou fatin neebe mak agora dadauk uza hodi faan nee maioria aluga deit, se bele kria fatin no merkadu ida atu nunee negosiantes bele uza hodi faan obralan.

Tuir Kompradores Bernadete Baros katak,“obralan Aimutin nee negosiante sira faan tuir posibilidade neebe mak ita iha tamba nee fasil ba hau atu bele mai sosa hodi utiliza tamaba ho folin neebe mak baratu no kualidade neebe mak diak, obralan Aimutin ita uza ho durasaun tempu neebe naruk duke kompara ho roupa sira neebe mak faan iha loja,” Salienta nia. Estajiadu UNTL 3

Facebook Comments

Leave a Reply

Your email address will not be published. Required fields are marked *