Estadu TL Kontinua Hakiak Lei Korupto

Estadu TL Kontinua Hakiak Lei Korupto

- in Nasional
789
0
Korupsaunnn

DILI – Sosiedade sivil iha Timor Leste konsidera, estadu Timor Leste oras nee kontinua hakiak lei korupto iha Timor Leste hanesan lei pensaun vitalisia. Maske lei refere sosiedade sivil, akdemika no ema hotu hakilar hakarak halakon, maibe ukun nain kontinua finjidularona tanba sira mos benefisia.

Tuir Reprezentante Programa Oficer AJAR, Inocencio Xavier hatete katak, lei pensaun vitalisia nee korupsaun legal neebe estadu Timor Leste hakiak hela, tanba nee uluk kedas sosiedade sivil no akademika hakilar maibe lahalakon.

Exatamente, lei nee korupto boot ka korupsaun legal neebe ida neebe mak eziste iha Timor Leste, estadu lahalakon,” dehan Inocencio ba jornalista sira iha ninia knar fatin, Farol-Dili, Kinta (13/07/2017).

Inocencio haktuir, maske Parlamentu Nasional halo ona revizaun be lei pensaun vitalisia ida nee maibe lahatudu rezultadu signifikadu no sustentabilidade orsamentu jeral estadu, sira hatene gasta deit maibe lahatene atu buka osan liliu deputadu sira.

Iha fatin ketak, Observador Politika-UNTL, Camilio Ximenes Almeida hatete katak, Partidu Politik (Parpol) hamutuk 21 nee barak mak lakoalia Pensaun Vitalisia iha atividade kampania tanba sira iha interese.

Entertantu, Portavoz Movimentu Universitariu Timor Leste (MUTL), Faustino Soares afirma, pensaun vitalisia nudar korupsaun legal tanba nee lider partidu politik tenke hatudu komitmentu politika hodi kombate. Raimundo S. Fraga

Facebook Comments

Leave a Reply

Your email address will not be published. Required fields are marked *