Espoza PR Enkontru Ho Espoza Matebian Sergio Viera

Espoza PR Enkontru Ho Espoza Matebian Sergio Viera

- in Nasional
14
0
logoqstll

DILI– Espoza Prezidente Republika Cidalia Lopes Nobre Mouzinho Guterres realiza enkontru ho Carolina Lariera, kaben Sergio Vieira de Mello neebe partisipa iha komemorasaun aniversariu tinan-20 referendu iha Palacio Prezidensial Bairo Pite Dili.

Durante enkontru Espoza PR Cidalia agradese kontribuisaun husi Reprezentante Sekretariu Jeral ONU durante prosesu tranzisaun hodi harii instituisaun demokratika sira iha nasaun foun.

“Enkontru ho ita nia amigo Espoza Sergio veira melho neebe mak partisipa 20 anos referedum no 16 mak foin hasoru malu carolina mai enkontru nee hatoo bemvindo deit neebe mak mai partisipa ona ita nia programa 20 anos konsulta popular nia no segundu lori povo timor leste nia naran hatoo sentidu kondelensia ba Espoza sergio tamba vizita ida nee premeiru hafoin sergio veira de melho mate”katak Espoza Prezidente Republika Cidalia Lopes Nobre Mouzinho Guterres ba Jornalista iha Palacio Prezidensial Bairo Pite Dili Sabado (31/09/2019).

Espoza dehan iha enkontru nee espoza PR mos hatoo agradese ba kontribuisaun Sergio veira melho nia kontribuisaun neebe mak reprezenta sekretaria jeral Onu nia.

Espoza Prezidente Republika ho Carolina Lariera haree mos posibilidade oinsa bele servisu hamutuk hodi tau matan ba Eskola Sergio Vieira de Mello iha Becora, Dili.

Inan Nasaun Dehan dehan knaar tau matan ba eskola nuudar knaar Governu ninian maibe sei koopera ho entidade relevante hodi hadiak liu kondisaun eskola refere.

Iha fatin hanesan Carolina Lariera, kaben Sergio Vieira de Mello hatutan nia hasoru malu ho espoza prezidente republika hodi komprementa espoza no agradese profundamente konvite husi Estadu hodi bele partisipa iha komemorasaun aniversariu tinan-20 referendu.

“Hau mai ohin atu hatoo hau nia komprementa ba Espoza Prezidente Republika no agradese tamba bele hetan konvite atu partisipa komemorasaun 20 anos referedum nia katak Espoza Sergio.

Carolina Lariera kontente haree progresu sira neebe nasaun atinji, liu liu Timor-Leste bele eradika ona moras malaria tanba laos fasil atu halao nee, Maski nunee, Timor-Leste sei hasoru dezafiu barak iha oin mai, liu liu iha area edukasaun.

Nunee mos Prezidente Republika Fracisco Guterres Lu Olo iha loron referedum 30 agostu liu husi diskursu fo mos ondra ba timor leste nian belun diak Sergio Vieira de Mello neebe mate trajikamente iha Bagdad, Irake, tinan sanulu-resin-neen ona.

“Sra. Carolina Lariera, faluk Senor Sergio Vieira de Mello nian, hamutuk ho ita ohin, no bele sente oinsa ita haksolok ninia memoria, neebe naran tama mos iha ita-nia istoria Ukun-Rasik an” hateten Prezidente Republika. Emerenciana Pinto

Komentariu

Facebook Comments

Leave a Reply

Your email address will not be published. Required fields are marked *