Eskola Simu Labarik Defisiente

Eskola Simu Labarik Defisiente

- in Edukasaun
113
0
deficiencia-timor

DILI-Programa  edukasaun enkluziva, sempre halo levantamentu dadus ba eskola sira, tanba nee, eskola presiza simu labarik neebe mak moris ho kondisaun defisiente.

Tuir Martinha de Jesus Maia, graduadu husi UNTL, fakuldade direitu, hanesan mos defisiente, katak, atu asesu edukasaun, la haree ba kondisaun, maske ema moris ho kondisaun defisiente, maibe iha kapasidade no iha direitu, atu bele hetan edukasaun neebe diak, hanesan ho maluk sira seluk, neebe ho kondisaun diak.

Ita nian eskola, sempre simu ita nian oan sira, neebe ho kondisaun defisiente, hanesan hau, ema neebe moris ho defisiente, hau husu nafatin, hau nian familia, atu bele suporta hau nian eskola, hodi ohin remata hau nia estudu, entaun familia ida-idak, liu-liu inan aman sira, labele moe, haruka oan defisiente, atu bele ba eskola,” dehan Martinha ba STL iha CCD, Segunda (10/12/2018).

Iha  fatin  seluk, Direitor edukasaun enkluzivu MEJD, Jose Monteiro, antes nee, husu ba inan aman hotu iha Timor laran tomak, iha Dezembru nee komesa hahu ona matrikula foun, atu lori sira nia oan, ou familia rejistu iha eskola formal.

“Hau husu ba inan aman hotu iha Timor laran tomak, iha Dezembru nee komesa hahu ona matrikula foun, entaun husu ba inan aman sira, no lideransa lokal sira, ita nian oan balun neebe mak balun defisiente  iha suku ou aldeia, neebe seidauk rejistu iha eskola formal karik, bele rejistu iha eskola, tanba agora dadaun ami prepara hela,”dehan nia.

Nia husu ba inan aman sira, atu labele subar nia oan sira, neebe mak moris ho kondisaun defisiente, labele subar iha uma, no labele sente moe, tanba eskola prontu, para atu bele simu estudante sira neebe defisiente, atu sira bele hetan edukasaun hanesan ho maluk sira seluk. Informasaun kompletu iha STL Jornal, edisaun, Sesta (14/12/2018). Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *