ES  5 Hetan Subsidiu Rihun U$ 75

ES  5 Hetan Subsidiu Rihun U$ 75

- in Edukasaun
12
0
logoqstll

DILI-Ministeriu Ensinu Superior Siensia no Kultura, (MESSK), fo subsidiu ba institute ensinu superior privadu  hat no universidade ida, atu bele hasae grau akademika dosente sira nian, iha nivel doutoramentu no fasilita ekipamentus informatika.

Tuir Ministru Ensinu Superior Siensia no Kultura (MESSK), Longuinhos dos  Santos, hatete, objetivu enkontru ida ohin, konvida maqnifiku reitor sira, husi ensinu superior privadu, bele asina MoU neebe mak permiti, atu bele fo subsidiu ba instituisaun privadu neebe akredita,  atu bele hasae grau akademika dosente sira nian, liu-liu iha nivel doutoramentu, no fasilita ekipamentus informatika.

“Ohin konsege hetan subsidiu, neebe mak liu husi ita nian ekipa fiskalizasaun ou avaliasaun ba sira nian dokumentus, neebe mak permiti ba sira mak iha institute hat no universidade ida, institute hat nee mak primeiru, institute Siensia Relizioja, IOB, DIT, no IPDC, nomos UNITAL. Subsidiu ida nee deferente la hanesan ho ninia montante, tanba subsidiu neebe atribui, balun fo tanba iha kontinuasaun bolsu estudu, no atribui ba ekipamentus inforamatika, no biblioteka ba ES privadu sira,”dehan MESSK Longuinhos ba jornalista iha edifisiu FDCH Palasiu do Governu Dili Segunda (02/09/2019).

MESSK, Longuinhos, akresenta, total ninia valor neebe mak iha, setenta sincu mil dolares  amerikanu, neebe mak atu transfere ba institute hat no universidade ida, subsidiu ida nee, kada universidade fo sei la hanesan, tanba ninia defikuldade la hanesan.

“Kritariu ba universidade ou institute, primeiru tenke utiliza orsamentu nee ho responsabilidade, liu-liu tuir lei jestaun finanseria nian, nomos tuir kriteriu neebe mak hatur ona iha MoU.Bainhira la utiliza subsidiu ida nee, tuir kriteriu neebe hatur iha MoU,”dehan nia

Iha fatin hanesan, Reitora Institute Professional de Canossa, (IPDC), madre, Ervinha  Martins, hatete, dosentes IPDC  nian nain ida, neebe mak agora dadaun kontinua ninia estudu iha Indonesia, tanba nee, subsidiu neebe mak simu nee, atu bele fasilita ou fo apoiu ba dosentes sira neebe mak kontinua sira nian estudu iha area mastradu.

“Finalidade neebe mak ohin halao nee iha rua, IPDC rasik simu osan ba bolsu estudu, alende ida nee, ami mos simu apoiu ba biblioteka no laboratorium, agora bolsu estudu ida nee, laos foun maibe  bele fo apoiu ba dosente sira neebe mak falta tinan ida atu bele remata sira nian estudu iha area doutoramentu,”tenik nia

Nunee mos Reitor IOB, Augosto Soares, dehan, agradese ba MESSK, tanba programa ida nee ba area rua, ida ba biblioteka no ida seluk kontinuasaun bolsu estudu ba dosentes, tanba nee, apoiu ida nee , bele fasilita diak liu tan sira nian instituisaun privadu sira.

“Hau fo sujestaun deit katak, tanba saida mak ami institute nain hat no universidade ida deit mak hetan subensaun ida nee, tanba nee, agradese ba MESSK, tanba programa ida nee ba area rua, ida ba biblioteka no ida seluk kontinuasaun bolsu estudu ba dosentes, tanba nee, apoiu ida nee , bele fasilita diak liu tan ami, hau hanoin ida nee diak tebes baa mi,”tenik nia.* Jacinta Sequeira

 

Komentariu

Facebook Comments

Leave a Reply

Your email address will not be published. Required fields are marked *