EPE Moris Foun Simu Graduasaun

EPE Moris Foun Simu Graduasaun

- in Notisias Online
47
0
download (2)

DILI- Estudantes Pre Eskolar (EPE) Moris Foun 1, Hudi Laran, hamutuk 122 halao graduasaun ba dala V, hodi hakat ba nivel ensinu baziku.

Serimonia graduasaun hetan partisipasaun husi Xefi Seksaun Pre Eskolar, Edukasaun Munisipiu Dili, Miguel dos Santos, reprejentante membru PNTL no inan aman husi estudantes.

Ba jornalista Xefi Seksaun Pre Eskolar,  Edukasaun Munisipiu Dili, Miguel dos Santos dehan, ohin hanesan seremonia graduasaun ba estudante sira, tanba nee,ohin parte edukasaun no inan aman estudantes mai partisipa iha atividades graduasaun ba loron ida ohin.

Ita hotu hamutuk iha fatin ida nee, atu fo graduasaun ba ita nian oan sira hamutuk 122, tanba graduasaun katak,ho pasu ida ba oin, iha labarik sira nian moris tomak, hahu hakat dadaun ona, iha tinan 2 ka 3 nian laran. Professor sira prepara sira iha ensinu pre eskolar nian laran,dehan Miguel ba jornalista iha EPE Moris Foun Hudi Laran, Dili, Kinta (21/11/2019).

Nia hatete, iha pre eskolar, sira mai halimar no aprende, tanba inan aman balun hatene,durante nee akompana sira nian oan ba iha eskola,entaun sira mos hatene, prosedur iha nivel pre eskolar ninia.

Saida mak professor sira fo ba ita nian oan sira.Ohin hau rona katak,koordenador dehan, maske sira terus los, maibe sira nafatin hanorin labarik sira, tanba sira kumpri sira nian profisaun hanesan professores,dehan nia.

Iha fatin hanesan Koordenadora Pre Eskolar Moris Foun Hudi Laran, Domingas da Cunha hatete, total estudantes iha pre eskolar ida nee, hahu husi grupu Agung no B hamutuk 195, maibe grupu A ninia neebe ohin halao graduasaun nee hamutuk 122.

Ami nian estudantes balun mai ho tinan tolu too tinan lima, maibe estudantes neebe mai ho tinan lima, nee sira iha pre eskolar tinan ida deit, tanba tinan nen mak bele tama iha ensinu baziku,tenik nia.

Nia hatete, ohin hanesan loron ikus ba estudantes 122, tanba ohin hanesan determina ona sira nian estudu iha nivel pre eskolar, no tinan oin, estudante sira nee,kontinua ona iha ensinu baziku.

Tuir observasaun STL iha terenu, antes halao seremonia graduasaun,professor sira lee sai naran estudantes ida-idak, hodi bele tur iha fatin seremonia, maibe familia no inan aman estudantes sira tur deit iha aihun, tanba fatin la sufisiente.Jacinta Sequeira

Komentariu

Facebook Comments

Leave a Reply

Your email address will not be published. Required fields are marked *