Entidade Aprezenta Kandidata, PR Halo Desizaun Nomeia Adjuntu

Entidade Aprezenta Kandidata, PR Halo Desizaun Nomeia Adjuntu

- in Nasional
156
0
tr

Dili- Relasiona ho kandidatu ba iha Adjuntu Prokurador Jeral da Republika, husi entidade relevante sira mak aprezenta kandidatu, ba iha Prezidente da Republika, hodi halo avaliasaun no foti desizaun.

Hau hanoin nomeasaun nee, hau fiar katak husi entidade relevante sira aprezenta kandidatus ba Prezidente da Republika, maka nia halo avaliasaun konsulta, hodi halo desizaun nee. Agora konaba kestaun primera klasse ka segundu klasse, lei mak dehan hanesan nee, maibe na realidade ita seidauk atinji objetivu ida nee, ”Dehan Direktor Ezekutivu JSMP Luis de Olivera Sampaio ba STL iha nia knar fatin Colmera Kurta, (10/10/2018).

Nia hatutan, tuir lista aktual neebe sira iha, keta iha mudansa karik, maibe Prokurador Jeral da Republika, Prezidente Tribunal Rekursu agora sei tama iha kategoria segundu klasse. Maibe se iha mudansa iha tempu balu liu ba.

Tuir artigu neebe STL asesu iha estatutu do Ministeriu Publiku lei numeru 14/2005, 16 de Setembru iha artigu 14 koalia konaba nomeasaun e exonerasaun.

Iha numeru ida koalia konaba, Adjuntu PJR nomea husi Prezidente da Republika, rona husi Konselu Superior husi Ministeriu Publiku.

Iha numeru rua koalia konaba, Adjuntu PJR nomeia husi Prokurador da Republika neebe kategoria primera klasse, ka Juis direitu kategoria primera klasse, ou Jurista neebe iha esperiensia durante tinan sanulu ona.

Nunee tuir informasaun neebe iha, Prezidente Nomeia ona Prokurador Alfonso Lopez ba iha Adjuntu PJR, no publika iha Jornada da Republika, iha loron 5 fulan Setembru 2018.

Adjuntu neebe nomeia, antes nee hanesan Prokurador da Republika segundu klasse, neebe nia nomesaun ba kareira iha loron 16 fulan Marco 2009. Notisia kompletu lee iha jornal STL edisaun Kinta (11102018). Terezinha De Deus

Facebook Comments

Leave a Reply

Your email address will not be published. Required fields are marked *