Ensinu Supeior Sei Hasoru Dezafiu

Ensinu Supeior Sei Hasoru Dezafiu

- in Edukasaun
916
0
abel-ximenes

DILI-Ministeriu Edukasaun (ME), rekoinese katak iha ensinu superior Timor Leste nia dezafiu maka liliu kona-ba rekursu humanu, tanba dosente atu hanorin iha nivel universidade ho grau mastradu sei minimu tebes.

Kestaun nee hatoo husi II  Vise  Ministru Edukasaun (ME), Abel  Ximenes, katak, ensinu superior TL, sei dezafiu maka grau mastradu sei minimu, needuni ho dezafiu neebe mak tenke buka solusaun, oinsa mak professor  sira neebe hanorin iha ensinu superior nee, minimu tenke mastradu, ida nee  hanesan perioridade ida.

Ita hatene katak, ensinu superior TL, sei dezafiu, tanba hau haree sei hasoru dezafiu, primeiru dezafiu neebe mak tenke buka solusaun, oinsa mak professor sira neebe hanorin iha ensinu superior nee, minimu tenke mastradu, ida nee  hanesan perioridade ida, maibe hau haree, esforsu sira neebe mak hotu-hotu foti, no hetan durante tinan 15, atu nunee ita bele redus, professor sira neebe mak barak liu ho lisensiatura, para sae fali ba mastradu no doutoramentu,”dehan  Vise Ministru Abel  ba STL  iha edifisiu  Infordepe  iha Dili, foin lalais nee.

Nia hatete, segundu dezafiu mak infransturtura iha ensinu superior, tanba infransturtura  iha superior nee importante, hanesan biblioteka, laboratorium, ofisina, ida nee importante, atu nunee bainhira estudante sira remata ona iha ensinu superior, bele hetan formasaun kualifikasaun diak.

Pontu seluk kurrikulum, tanba ita agora iha TL nee, iha ona curriculum ensinu superior, maibe curriculum ensinu superior nee, presiza tan halo debate no diskusaun, para curriculum nee modern no kompetetivu, tanba nee, curriculu nee ita sempre atualiza,” nia hatete.

Nunee mos Retor DIT, Manuel Vong, dehan, oras nee dadaun  dosente  sira neebe mak hanorin  iha DIT ho sira nian grau nee  mastradu, tanba ho grau lisensiadu, labele hanorin fali lisensiatura iha ensinu superior, tanba nee, laos iha DIT deit, maibe  iha universidade sira seluk mos, agora  halao dadaun ona konaba asuntu ida nee.

Hau hanoin oras nee dadaun dosente sira neebe mak hanorin iha DIT ho sira nian grau nee mastradu, tanba ho grau lisensiadu, labele hanorin fali lisensiatura iha ensinu superior,”dehan nia.

Laiha Biblioteka no Laboratorium

Superintendente edukasaun Munisipiu Dili, Virgilio Cabral, hatete katak parte inspeksaun ninia durante tun ba iha eskola sira nee, liu-liu eskola iha Munisipiu Dili ninia, sei menus  laboratorium no biblioteka ba estudante sira, kestaun ida nee, edukasaun Munisipiu Dili sei la halo servisu mesak, maibe oinsa mak atu halo lina koordenasaun ho Ministeriu Edukasaun iha nasional, para atu haree asuntu ida nee ba oin.

Hau kestaun ida nee, parte diresaun edukasaun Munisipiu Dili, sei servisu hamutuk ho Ministeriu  Edukasaun, para atu establese ba iha eskola hotu-hotu, liu-liu eskola sira neebe mak iha Munisipiu Dili ninia, maibe hau hanoin konaba laboratorium, biblioteka iha ona,”dehan Virgilio ba  STL iha eskola 4 de setembru Balide  Kuarta  (06/09/2017).

Nia hatete, dala barak ema sempre kestiona bebeik, liu-liu sosiedade sivil, no parlamentu sira sempre koalia konaba fasilidade eskola ninia, neebe mak durante nee sei falta ba estudante sira, tanba biblioteka no laboratorium sira nee importante tebes, para estudante sira uza loron-loron lee no halo pratika.

Julio de Jesus, hanesan estudante terseiru ano, husi eskola 4 de setembru Balide, hatete, iha eskola ida nee, biblioteka ba estudante sira iha, maibe livru sira seidauk kompletu, tanba livru balun sei falta, konaba laboratorium too agora laiha, tanba eskola ida nee hanesan eskola publiku ida, neebe estudante sira simu deit mak siensia, atu halo pratika ba material ruma nee difisil tebes, tanba laiha laboratorium.

Hau hanoin iha eskola ida nee, biblioteka ba estudante sira iha, maibe livru sira seidauk kompletu, tanba livru balun sei falta, konaba laboratorium too agora laiha, tanba eskola ida nee hanesan eskola publiku ida, neebe estudante sira simu deit mak siensia, atu halo pratika ba material ruma nee difisil tebes,”dehan nia

Iha parte seluk, koordenador eskola  filial Fatumeta, Flaviano da Costa de Jesus dos  Santos, hatete, eskola ida nee iha livru ba estudante sira, maibe fatin  ba biblioteka, hodi tau livru sira nee mak too agora seidauk iha, tanba  agora dadaun livru sira nee sei tau  hamutuk  iha  edifisiu professor sira nian, maibe fatin ba biolioteka nee seidauk iha.

“Hau hanoin ami nian eskola ida nee iha livru ba estudante sira, maibe fatin ba biblioteka, hodi tau livru sira nee mak too agora seidauk iha, tanba agora dadaun livru sira nee sei tau  hamutuk  iha  edifisiu professor sira nian, maibe fatin ba biolioteka nee seidauk iha,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *