Enkontru Monsenhor Joseph Marino- PR Lu Olo Taka Ba Publiku

Enkontru Monsenhor Joseph Marino- PR Lu Olo Taka Ba Publiku

- in Nasional
60
0
IMG_8790

DILI- Enkontru entre Nunsiu Apostolik Monsenhor Joseph Marino, ho Prezidente Republika Francisco Guterres Lu Olo, neebe halao iha Palasiu Prezidente Nicolau Lobato, taka ba publiku.

Enkontru neebe halao entre Nunsiu Apostolik Monsenhor Joseph Marino, ho Prezidente Republika Francisco Guterres Lu Olo, hafoin Parlamentu Nasional vota kontra viajen Xefe Estadu nian ba Vatikanu Roma, iha Segunda dia 5 Novembru 2018.

Nunsiu Apostolik Monsenhor Joseph Marino ho ekipa to iha Palasiu Prezidente Nicolau Lobato iha tuku 9: 30 OTL, neebe simu direitamentu husi Asesor Politika Prezidente da Republika Gregorio de Sousa.

Hafoin nee lori Nunsiu Apostolik Monsenhor Joseph Marino ba tur iha sala vizita Prezidente da Republika, nunee iha menutu balu Xefe Kasa Sivil Francisco Francisco Maria de Vasconcelos mai hasoru Nunsiu, nunee kontinua kedan ho Prezidente Republika Francisco Guterres Lu Olo hasoru Nunsiu Apostolik.

Portantu Enkontru entre nunsiu Apostolik Monsenhor Joseph Marino, ho Prezidente da Republika Francisco Guterres Lu Olo, neebe halao iha Palasiu Prezidente Nicolau Lobato, Kinta (08/11/2018) durante oras ida nia laran hahu iha tuku 9: 38 OTL no remata iha tuku 10: 40 OTL.

Enkuantu Nunsiu Apostolik Monsenhor Joseph Marino fila ba ninia rezidensia, iha tuku 10: 56 OTL Eis Prezidente da Republika Jose Ramos Horta halao fila fali enkontru ho Prezidente da Republika, durante oras ida nia laran, hahu iha tuku 11: OTL no remata iha tuku 12: 00 OTL. Notisia kompletu lee iha jornal STL edisaun Sesta (09/11/2018). Carme Ximenes

Facebook Comments

Leave a Reply

Your email address will not be published. Required fields are marked *