Emprezariu Tenke Parseiru Ho Governu

Emprezariu Tenke Parseiru Ho Governu

- in Economics
128
0
Forum

BAUCAU – Camara Comersiu Industria Timor Leste (CCI-TL) bolu maluk Emprezariu hotu tenke sai parseiru nebe diak ho governu atu bele reforma ekonomiku iha rai laran ba dezenvolvimentu nasional liu husi servisu hamutuk.

Lia hirak nee hatoo husi Reprejentante Camara Comersiu Industria Timor Leste (CCI-TL) Nuno Trindade liu husi nia deskursu iha soromutu ida ho tema, Hakbit kuinesementu grupu kiik liu husi formasaun ba planu, no jestaun negosiu atu bele asesu ba kreditu nebe halao iha Aila, IADE Baucau Kuarta, (15/3).

Ema hotu hatene ona katak CCI-TL sai mahun ba emprejarius hotu nebe ejiste iha nasaun ida nee, nunee sai parseiru diak ba governu atu hare konaba dezenvolvimentu nasional ninian, sei lataka dalan atu reforma ekonomiku iha rai laran.

CCI-TL mos sei apoiu imi atu bele hetan kreditu husi banku nebe iha Timor, inklui mos BNCTL. Ita fiar katak Setor Privadu sira atu servisu diak no iha mos planu nebe diak ba dezenvolvimentu ba oin, presija mos kondisoins nebe bele ajuda imi. Maibe CCI-TL mos iha relasaun diak ho banku sira atu apoiu imi, nunee mos parte governu sai hanesan parseiru diak atu reforma ekonomiku,”nia dehan.

Iha oportunidade nee, Prezidente Autoridade Munisipiu Baucau, Antonio A. Guterres dehan nudar ema Timor oan no Baucau oan nebe diak, tenki hatudu matoridade politika no planu estratejia nebe diak atu dezenvolve an.

Ita nudar ema emprejariu nebe diak tenki esforsu an laos atu tur deit iha fatin. Maibe tenki iha matoridade politika nebe diak atu investe ho kualidade nebe diak, tanba ita lakohi ita premeiru sai Bos depois ikus mai sai ema Dos, ida nee maka ita lakohi atu akontese iha ita nia rain laran nomos iha Munisipiu Baucau,”nia hatete.

Parte seluk Ministru Agrikultura no Peska (MAP) Estanislau Aleixo da Silva dehan, parte governu iha osan atu bele hare konaba reforma ekonomika iha rai laran, tanba nee husu ba maluk sira atu servisu makas atu kontribui ba dezenvolvimentu ida nee.

Iha Munisipiu Baucau, ema estranjeiru balun dehan produtus local husi Baucau nia diak teb-tebes hanesan forerai. Nunee mos produtu lokais seluk hanesan kumbili ida nee importante tebes atu governu bele tau matan no hare oinsa atu hanoin atu haruka ba rai liur maibe mos tenki halo produsaun nebe barak.

“Ita hare iha nasaun balun iha eropa neba dehan, produtu local hanesan kumbili diak maibe nia produsaun maka menus tebes. Nunee mos forerai nebe produs iha Baucau, nia kualidade diak teb-tebes tanba nee buka atu produs barak liu tan,”nia tenik tuir tan. Est4

 

Facebook Comments

Leave a Reply

Your email address will not be published. Required fields are marked *