Emprezariu Importante Ba Dezenvolvimentu

Emprezariu Importante Ba Dezenvolvimentu

- in Distritu
262
0
untl-seminar

BAUCAU-Emprezariu importante ba dezenvolvimentu nasaun. Governu iha dever, atu kapasita sira para iha kapasidade diak no forte ba iha vida negosiu. Lia fuan hirak nee hatoo husi Reprejentante CCI-TL, Nuno Trindade iha workshop nebe halao iha Aula Intituto Apiu Dezenvolvimentu Emprejarial (IADE) iha Baucau, Kuarta (15/3/2017).

Emprezariu sira presiza tuir treinamentu bebeik konaba negosiu. Nudar parseiru dezenvolvimentu, governu presiza buka dalan para ajuda emprezariu sira. Treinamentu nebe governu halao bebeik ida nee sai hanesan bukae ida ba imi atu imi bele dejenvolve an nafatin.

Treinamentu nebe ita halao bebeik atu bele aijuda imi emprejariu sira konaba oinsa maka imi bele hadia jestaun no seluk tan. Tamba nee maka parseiru governu sempre buka dadaun nafatin atu fo apoiu ba imi,” nia dehan.

Prejidente Autoridade Munisipiu Baucau Antonio A. Guterres, dehan emprejarius sira kuandu kapasita an bebeik liu husi workshop sira nee hanesan dalan ida atu imi bele planeia imi nia negosiu ho diak. Nudar ema emprejariu hetan osan barak atu hanoin ba rai leiur hodi fakar osan iha ema nia rai neba ida nee ladiak.

Tamba nee tekniku nebe imi iha ho fuan no laran atu buat nebe imi hetan imi tenki hatudu realidade katak tenki buka nafatin atu kopera malu nafatin. Nunee mos halo nafatin halo tur hamutuk hodi halo diskusaun ba malu atu oinsa maka bele sai ema nebe susesu.

Ita buka atu kopera malu tamba nee liu husiworkshop sira hanesan nee maka bele fo kbit ba imi emprejarius sira atu halo jestaun no planu diak ba imi nia negosiu. Nunee mos husu ba imi atu tur no kolobora malu nafatin ida nee maka importante liu,”nia dehan.

Ministru Agrikultura no Peska Estanislao Aleixo da Silva haktuir katak, Munisipiu Baucau dejenvolvimentu agrikultura nebe diak liu. Importasaun nebe diak liu maka aimanas no pimenta. Ida nee hatudu katak agrikultura sira iha duni inisiativa diak maibe tenki tau iha praktika no realidade. Tamba nee iha munisipiu ida nee tenki iha kbit makas atu bele produs produtus local nebe imi iha oras nee dadaun.

“Tuir hau nia hare katak parte munisipiu Baucau nee rasik iha areia agrikultura nebe luan no potensial teb-tebes maibe tenki dejenvolve nafatin ba imi nia produtus lokal nebe iha oras nee dadaun,” nia koalia. Est4

 

Facebook Comments

Leave a Reply

Your email address will not be published. Required fields are marked *