Empreza MRT Kontrola Mineral TL

Empreza MRT Kontrola Mineral TL

- in Economics
222
0
alfredo-pires

DILI –  Governu Timor Leste (TL) liu husi Konsellu Ministru fo ona fiar ba Empreza Murak Rai Timor (MRT) nudar Empreza Nasional atu kontrola mineral iha Rai laran.

Informasaun nee fo sai husi Ministru Petrolium Rekursu no Mineral, Alfredo Pires ba Jornalista sira Segunda (17/04/2017) iha Parlamentu Nasional PN.

Hau hanoin MRT nee hanesan, empreza nasional neebe Timor nian, nia hanesan Timor Gap maibe Timor Gap haree liu ba Mina, no MRT sei haree liu ba Mineral iha rai laran, hanesan osan mean no mineral. Empreza ida nee sei dauk bele halao nia knar tanba Prezidente sei dauk promulga, maibe orsamentu iha ona, hein deit ona nia implementasaun,”informa Ministru MPRM.

Nia mos informa liu tan katak, empreza nee sei tutela husi Ministeriu 3 hanesan, MPRM, Ministeriu asuntu ba Ekonomia nomos Finansa, liu husi establesementu empreza nee MRT nee, bele kompleta ona programa governu nian 100%, no benefisiu ba TL maka sei lori kompania internasional sira tama mai, tanba uluk kedas governu iha ona politika ida konaba partesipasaun masimu ba rekursu naturais.

Iha fatin hanesan Reprezentante povu iha uma fukun Parlamentu Nasional, Deputadu Paulino Monteiro hatutan, too ona tempu governu atu tau konfiansa ba empreza Timor oan nian hodi kontrola riku soin iha rai laran.

Hau hanoin planu governu nian nee diak tebes atu nunee la bele fo fiar liu ba, ema rai liur maka atu mai kontrola hotu riku soin TL nian, no too ona tempu Timor oan sira atu koko hodi hamrik mesak, no la bele depende ba empreza neebe deit. Tan nee, ita fiar katak Prezidente sei promulga atu nunee programa nee bele lao diak iha rai laran,”informa nia.

Nunee mos Deputadu Agostinho Lay mos hatutan katak, governu fo ona fiar ba empreza MRT atu halao nia knar iha TL, oinsa atu halo kontrola konaba mineral iha rai laran.

“Hau hanoin benefisiu  ba TL tanba haree ba kodigu Mineru nee sei deskute hela iha Parlamentu, no dehan katak ita nia estadu bele hetan 30% kolker atividade neebe maka lao iha rai laran, no governu hakarak maka sei fo mos 100% ba ita nia kompania Timor oan sira atu kaer mineral,”informa nia. Madalena Horta

Facebook Comments

Leave a Reply

Your email address will not be published. Required fields are marked *