EMD Entrega Lista Finalista Ba Inspetor Jeral

EMD Entrega Lista Finalista Ba Inspetor Jeral

- in Edukasaun
128
0
Estudante Izame

DILI-Edukasaun Munisipiu Dili EMD), entrega ona naran lista finalista sira neebe mak atu tuir ezame nasional iha loron 23-26 fulan ida nee.

Tuir Superintendente Edukasaun Munisipiu Dili, Virgilio  Freitas  Cabral, konaba naran lista nee, horiseik husi edukasaun  Munisipiu  Dili ninia entrega ona ba iha inspetor jeral ninia. Tanba nee, hodi bele hein fali kartu sira neebe mak estudante sira hodi uza ba iha ezame nasional.

Hau hanoin konaba dadus finalista sira neebe mak atu partisipa iha ezame nasional nee, ami  entrega hotu tiha ona ba iha inspetor jeral, tanba nee, ohin eskola hotu husi Munisipiu Dili ninia nee dadus finalista sira nian ami entrega tiha ona ba parte diresaun inspetor jeral ninia, neebe naran lista husi 13 Munisipiu ninia nee iha ona inspetor jeral, tanba nee, seba husu deit iha parte inspetor jeral ninia,”hatete Virgilio ba jornalista hafoin halo enkontru ho professor sira iha EBC Farol  Dili  Kuarta   (11/12/2017).

Superintendente Virgilio, sublina, konaba total numeru nee  diak liu ba husu deit  iha inspetor jeral, tanba  dadus sira nee hatama tiha ona  ba iha  parte inspetor jeral ninia, neebe tuir inspeksaun nian haree, estudante sira hahu prepara dadaun ona, hodi bele hasoru ezame nasional, liu-liu estudante sira neebe mak iha Munisipiu Dili ninia, tantu iha ensinu baziku mai too iha nivel sekundariu ninia nee, sira bele preparadu dadaun ona.

Ita espera no garante katak, ita nian ezame nasional nee sei lao ho diak liu tan, tanba hela deit semana ida ou rua ezame nasional nee rasik hahu komesa dadaun ona, tanba nee, estudante ida-idak presiza iha preparasaun ida neebe mak masimu,”dehan nia

 Nunee mos   Jose  da  Costa, hanesan  estudante  husi  EBC, Farol, dehan, loron-loron sira nian professor sira  sempre fo nafatin lisaun ba sira, liu-liu ba estudante sira neebe mak atu  partisipa iha ezame nasional, maibe ohin loron nee, professor sira  la fo prosesu aprendizajen, tanba  professor sira sei halo enkontru.

“Hau hanoin loron-loron sira nian professor sira sempre fo nafatin lisaun ba sira, liu-liu ba estudante sira neebe mak atu partisipa iha ezame nasional,”dehan nia. Jacinta Sequeira

Facebook Comments

Leave a Reply

Your email address will not be published. Required fields are marked *