Embaixadora Amerika Lansa CDT-TL

Embaixadora Amerika Lansa CDT-TL

- in Economics
394
0
download (1)

DILI – Embaixadora Estadu Unidus Amerika ba Timor Lente, Kathleen M. Fitzpatrick, ho governu Timor Lester ofisiamente halao lansamentu ba Compact Development Team Timor Leste (CDT-TL), Reducing Poverty Though Economic Growth/hasae Kbiit Ekonomi Hamenus Kiak.

Iha serimonia lansamentu nee, Ebaxadora Estadu Unidus Amerika ba Timor Leste Kathleen, liu husi nia deskursu iha salau CNE Colmera Dili Segunda (25/3/2019), Kathleen esplika, eventu importante.

Hau senti orguillu, tanba hamutuk ho ita boot sira, hodi halao lansamentu governu Timor Leste (TL) nia ekipa dezenvolvimentu entre Estadu Unidus Amerika ho Timor Leste. Hau rekoinese progresu neebe mak governu TL halo ba dezenvolvimentu Millennium Challenge Corporation (MCC). Tanba nee agradese ba lideransa Ministru Reforma Legislativa Asuntu Parlamentar, Fidelis Manuel Leite Magalhaes no Diretor exekutivu Nasional, Mariano Carmo, ekipa husi Embaxada Estadu Unidus Amerika. Hau kongratula governu TL, Costancio Pinto, ho ekipa dezenvolvimentu hodi dezenvolve sira nia programa neebe kapas tanba halo ekonomia forte,”dehan Kathleen.

Nia salienta tan katak, programa neebe diak teb-tebes, halo ekonomia forte, kriadora ba empregu no oportunidade hodi hamenus kiik no promove abansu iha abilidade regional iha Estadu Unidus Amerika no Timor Leste, oinsa kria parseriu neebe metin liutan.

Ita espera kontinua dezenvolve projetu sira nee ba kresimentu ekonomia, oinsa lori benefisiu ba Timor oan hotu-hotu. Governu Estadu Unidus nia programa MCC hanesan ajensia inovadora exsterna Estadu Unidus Amerika nian. MCC nia misaun hamenus kiak, husi kresimentu ekonomia. MCC harii bazea ba prinsipiu sira, atu fo ba Nasaun no governasaun forte, oinsa halo dezenvolvimentu bazea ba dadus no evidensia kapasita nasaun sira nia dezenvolvimentu rasik,”akresenta nia.

Nia informa, MCC implementa programa sira nee, diferensia ho doadores sira seluk, komprimisu Nasaun mak sai ba nain entre parseira sira, dezena programa bazea ba prioridade, programa husi TL ba TL, tanba nee Estadu Unidus Amerika ho Timor Leste tenke avansa ba oin.

“Hau fiar katak, iha longu prazu, Estadu Unidus Amerika ho TL, sei iha kontaktu transformative, oinsa hasae oportunidade ba Timor oan hotu-hotu. Estadu Unidus Amerika nia haree, TL nia sistema demkratiku neebe diak ba Estadu Unidus Amerika ba rejiaun no mondu. Kantaktu sira nee hanesan kapitulo foun, iha ita nia nasaun rua, ita nia parseriu mak sei sai testamonia ba povu TL tomak, parabens ba governu TL ho ekipa dezenvolvimentu.

Iha oportunidade hanesan, Embaixador Timor Leste ba Estadu Unidus Amerika, Costancio Pinto hateten, MCC asensia Amerika nian, neebe fo apoiu ba dezenvolvimentu, hodi redus pobreza liu husi kresimentu ekonomia, maibe MCC foin mak hahu nia servisu, sei lori nia prosesu lubuk ida. “MCC nia susesu depende kontribuisaun ita hotu nian no Ministeriu neebe relevante, nomos sosidade sivil sira, inklui instituisaun sira neebe relevante.. Hau fo agradese ba Ministeriu sira neebe fo kontribuisaun boot ba  programa MCC, oinsa lori TL sai Nasaun neebe kontaktu, MCC iha komenmentu boot husi Estadu Unidus Amerika mai Timor Leste, tanba ema hotu hein hela oinsa atu hatudu nia  rezultadu posetivu hodi redus kiak iha TL,” nia salenta.

Iha oportunidade nee, Ministru Reforma Legislativa Assuntu Parlamentar Fidelis Manuel Leite Magalhaes, hateten TL dezenvolve akordu ida naran kontaktu entre Estadu Unidus Amerika ho TL.

MCC boot iha Estadu Unidus Amerika, bainhira nasaun presen ona padraun neebe mak iha MCC kualidade Administrasaun, demokrasia no dezenvolvimentu neebe efetivu no pais sira nee iha bontade atu investe sira nia ema. Ida nee hanesan dezafiu, tanba atu atinji MCC nia kualidade, governu Estadus Unidus pasa ba nasaun hotu, tanba nee iha fase ida haksolok.

Ita haksolok no kontente, maibe fase ida hanesan dezafiu, maibe ita labele haree deit ba dezafiu, nudar nasaun demokrasia, ita nakloke iha bontade atu kontinua servisu hodi alkansa dezafiu hirak nee,” nia hateten.

Nia hateten, governu TL iha fulan hirak liuba, servisu hamutuk ho ekipa nasaun rua nee, nunee ekipa aprezenta ona akordu ida, naran kontak neebe ho nia intervensaun hanesan subtansi ba labrik sira. maske nia idade boot, maibe nia sustansia kiik, ida nee iha ligasaun ho nutrisaun, malnutrisaun katak hahan kualidade ladiak. Maibe laos problema ai-han.

Ita iha Timor, problema mak falta bee, tanba iha TL labrik neebe kiik dolar barak liu foer ho rai uut, labarik nee lakon nutrisaun tanba falta bee. Labarik sira presiza asesu ba bee, nomos atu halo formasaun no sosialisazaun ba kualidade ai-han, tanba bainhira projetu nee dezenvolve, ita sei haree nia redusaun iha bee, nunee mos sei halao treinamentu ba joven sira, ita sei konklui rede ba centru treinamentu sira, oinsa bele aumenta dezenvolvimentu skill ba foin sae Timor oan sira, iha tritoriu Timor laran tomak, no kria emprego no doadores sira neebe sustentavel liu, iha kresimentu ekonomia iha TL, iha vantazen nomos iha desvantasen. Programa nee sei implemeta iha TL durante tinan lima (5) nia laran,”dehan nia.

Nia husu ba ekipa neebe mak iha, oinsa atu servisu makaas, nunee tempu ba tinan lima nee, bele hotu no alkansa nia objetivu, labele prolonga fali kalendariu ba tinan ida ka tinan rua atu aumenta tan, maibe tinan lima tenke antiji ona nia objetivu. Ida nee presiza Ministeriu sira nia apoiu, nunee tinan ida bele lori ona produtu ba iha akorfu nee. Augusto da Costa

Komentariu

Facebook Comments

Leave a Reply

Your email address will not be published. Required fields are marked *