Embaixador Japaun Ho Uniaun Europeia Kongratula PR Eleitu

Embaixador Japaun Ho Uniaun Europeia Kongratula PR Eleitu

- in Politics
274
0
Espoza PR

DILI – Embaixador Japaun Eiji Yamamoto, no Embaixador Uniaun Europeia Alexandre Leitao hakat ba sede Comite Centra FRETILIN (CCF), Comoro, Dili, hodi harosu Prezidente Republika eleitu Francisco Guterres Lu-Olo, hodi hatoo sira nia kongratulasaun.

Hafoin enkontru ho Prezidente Republika eleitu Francisco Guterres Lu-Olo embaixador Japaun Eiji Yamamoto ba jornalista sira katak, Ohin mai iha CCF hasoru Prezidente Republika eleitu Francisco Guterres Lu-Olo, hodi hatoo kongratulasaun husi povu Japaun ba Prezidente eleitu.

Ohin ami lori karta PM Japaun nian mai hasoru Prezidente da Republika eleitu Francisco Guterres Lu-Olo, hodi hato ami nia kongratulasaun ba Prezidente da Republika neebe maka povu Eleitu ona iha eleisaun liu ba,” dehan Eiji Yamamoto, ba jornalista sira iha Sede CCF, Comoro, Dili, Kuarta (05/04/2017).

Ho sorumutu ida nee Eiji Yamamoto hateten, Sei kria koperasaun neebe maka diak liu tan entre Governu Japaun ho Timor Leste, nunee mos ho Prezidente da Republika eleitu. Nia dehan, Japaun sei kontinua apoia nafatin nasaun Timor Leste, iha programa sira, liu liu projetu neebe maka implementa ona iha rai laran.

Iha fatin hanesan Embaixador Uniaun Europeia Alexandre Leitao hateten, nia aai iha nee atu hato komprementa felisitar ba Prezidente Republika eleitu Francisco Guterres Lu-Olo, neebe maka povu hili ona sai Prezidente ba nasaun RDTL, durante mandate 2017 to 2022. Carme Ximenes

Facebook Comments

Leave a Reply

Your email address will not be published. Required fields are marked *