Ema Deskonesidu Sona F-FDTL

Ema Deskonesidu Sona F-FDTL

- in Krime, Nasional
127
0
download (1)

DILI-Membru Falintil-Forsa Defeza Timor-Leste (F-FDTL) ida husi komponente Naval hetan sona husi deskonesidu  iha area Rai-Kotu Tasi Tolu.

Tuir Xefe Emerjensia Hospital Nasional Guido Valadares (HNGV), Luciana Celeste Amaral,  hatete rasik Sabadu kalan maizumenus tuku 10:00  paziente ida tama mai emerjensia ho naran Tome Lemos ho ema sona kanek husi kotuk laran.

Tuir informasaun neebe ami hatene husi familia no nia kolega sira katak, hateten Luciana ba STL liu husi Via Telfone, Domingu (29/12/2019).

Nia dehan, paziente tama mai emerjensia Doutor sira halo permeiru sekoru hotu, kanek todan oituan.

Kondisaun jeral diak oituan ona, maibe kanek nia tenke baixa tanba kanek nee sei kontinua halo tratamentu lai, nia dehan.

Nia mos dehan, agora dadauk membru F-FDTL neebe hetan sona baixa hela iha sala beda laki no sei kontinua halo hela tratamentu to hetan kondisaun diak maka alta.

Iha fatin hanesan, Doutor Nilto da Silva dehan kondisaun jeral paziente neebe hetan diak hela, maibe sira sei   fo tratamentu  atu nunee bele rekopera  hikas nia saude.

Nia tama mai ita halo tratamementu hotu, depois haruka fila ba  baixa iha beda laki, atu nunee nia kondisaun jeral diak liu tan maka foin alta, informa nian.

Tuir informasaun neebe STL asesu iha fatin akontesementu, iha sabadu kalan 28/12 maizumeus 08:00, iha konflitu entre joven sira iha area Karantina, Aldeia Terra-Santa, Suku Madohi, Postu Administrativu Dom Aleixo Munisipiu Dili. Iha Konflitu Membru Falintil-Forsa Defeza Timor Leste (F-FDTL) ida husi komponente Naval, hetan kanek iha kotuk laran tanba sona husi joven balun nomos vitima nee ho hanoin atu ba vizita familia maka hela iha fatin neeba, maibe too iha dalan nia hetan asaltu husi joven balun nomos hetan sona husi joven balun. Jeniche da Costa

 

Komentariu

Facebook Comments

Leave a Reply

Your email address will not be published. Required fields are marked *