Ekonomia Ladun Diak

Ekonomia Ladun Diak

- in Economics
60
0
download (15)

DILI-Durante tinan rua ona, ekonomia nasional iha rai laran lao ladun diak, tanba  sirkulasaun osan menus.

Situasaun ida nee  halo povu kiik faan ninia modo iha merkadu lafolin, investor barak mak fila ba sira nia rai, tanba deit problema impase politika neebe dada naruk too ohin loron.

Eis Vise Ministru Komersiu Industria Abel Ximenes hatete, agora bai loron naruk povu susar, atu halo natar ou tos hodi sustenta vida moris.

Husu  ba  lider sira tenke buka  solusaun ba impase politika neebe lao iha rai laran,  tanba ita nia povu barak mak terus, serkulasaun osan lao ladun diak, dehan Abel ba  STL, iha nia knaar fatin IOB, Fomento, Dili, Kuarta (11/12/2019).

Ekonomia rai laran atu lao diak tuir Abel katak, investimentu  tenke iha. Tanba nee liu husi orsamentu 2020   governu tenke investe makas iha setor oin oin,  atu nunee bele hadia ekonomia rai laran sai diak  hanesan uluk.

Maibe nia dehan, buat hotu atu lao diak,  laos governu deit, presiza kontribuisaun ema hotu nian, nunee mos povu tomak tenke iha hanoin oinsa bele halo ekonomia sai diak no forte.

Tanba tuir nia governu iha responsabilidade neebe boot,  oinsa atu halo lei,  kria regras no establidade nasional,  siguransa tenke lao diak  no governu tenke kria fasilidade ba nia povu.

Hau hanoin ekonomia iha rai laran atu lao diak,  laos haree deit ba estarada neebe governu hali diak ona,  estrada bele diak maibe povu neebe loa iha estada nee sei kontinua ain tanan mak signifika katak ,seidauk iha Obzetu no suzeitu ba dezenvolvimentu nasional, dehan Eis Ministru nee.

Iha parte seluk,  deputadu  Antonio da Concecao hatutan,  durante tinan rua resin ona povu kontinua halerik,  liu liu ekonomia rai laran la lao diak no investor barak, mak fila ona ba sira nia rai, problema nee akontese, tanba  impase politika neebe lao iha rai laran.

Ita preokupa ho situasaun neebe lao iha rai laran,  tanba investor balun fila ona ba sira nia rai , dehan deputadu nee.

 Nia dehan, warun balun  hapara sira nia atividade, traballador barak lakon sira nia servisu,  inan feton sira neebe faan modo tahan iha merkadu la folin,  problema sira nee hotu halo ekonomia rai laran la lao diak.

Nunee mos deputadu Fabiao de Oliveira hatutan, too agora povu sei halerik ba setor oin oin,  tanba ekonomia iha rai laran atu lao diak mak  atividade hotu hotu tenke diak,  investor tenke mai investe no investimentu iha rai laran tenke iha,  maibe realidade buat ida la lao no povu la sente,  dezenvolvimentu. Madalena Horta

Komentariu

Facebook Comments

Leave a Reply

Your email address will not be published. Required fields are marked *