Ekipa Workshop Saemaul Undong TL Too Ona Korea

Ekipa Workshop Saemaul Undong TL Too Ona Korea

- in Nasional
91
0
1604382_1033057823486533_1559829927161377424_n

KOREA – Ekipa Workshop Saemaul Undong nain 5 husi Timor Leste (TL) ohin (Horseik-Red.) too ona iha Nasaun Republika Demokratiku Korea no simu diretamente husi Manajer Saemaul Undong Center iha tuku 12.30.

Ekipa Workshop Saemaul Undong husi TL arangka husi Timor iha loron Tersa (18/4/2017) ho Aviaun Srywijaya Airlines (SJ271) tuku 14.14 Otl no too iha Airoportu Ngurah Rai Bali 15:00 WIT. Ekipa Workshop konsege deskansa iha oras 8 nia laran iha Hotel Pondo II Bali, no kontinua viajen ho Aviaun Korean Airlines  (KE630) husi Airoportu Ngurah Rai Bali-Indonesia tuku 1.25 no too iha Airoportu Korea too tuku 09:25 oras Korea nian.

Bainhira too iha Portu Korea komesa tau xapa Imigrasaun Korea, Ekipa Workshop hetan fasilitasaun husi Ekipa Korea Saemaul Undong Center iha Airoportu Korea hodi kontinua ba iha fatin Workshop iha Korean Saemaul Undong Center.

Ekipa Workshop nee too iha Korean Saemaul Undong Center iha tuku 12.30 oras Korea no simu diretamente husi Manajer Korean Saemaul Undong Center, Cho Jungho.

Manajer Korean Saemaul Undong Center, Lim Sun-Kyu hatoo benvindo ba Ekipa nain 5 husi TL neebe sakfisika sira nia aan husi rai dok TL maituir Workshop duranteloron 6 iha Korea Saemaul Undong Center.

Hau hatene katak ita boot sira balu foin maka primeraves hakat mai iha Korea, tanba nee hau nia esperansa katak ita boot sira bele partisipa iha Workshop nee durante loron 6 nia laran, no ita boot sira fila fali bele lori bukae ruma husi Korea, liu-liu modelu dezenvolvimentu Rural Agrikultura Korea iha Korea,”tenik nia.

Hafoin simu ekipa Workshop husi TL, kontinua kedan ho han, Timor oan nain 5 nee hakat ba fatin aihan nian hodi senti gostu aihan tradisional husi Koreanu nian hanesan Aihan favoritu Korea maka Chimchi, Bulgogi, Samgientang, Ginseng, Chicken Soup, Soybean, Paste Soup no aihan tradisional oi-oin neebe prepara ona hodi han meudia nian.

Iha loraik, Ekipa Workshop TL  ho Laos konsege tuir ona Pra-Workshop nian kuaze oras ida ho balu nia laran, neebe diriji diretamente husi Jeneral Manajer Korean Seamaul Undong Center, Park Mi-Sun, hodi fo benvindu ba Ekipa Workshop Seamaul Undong Tinan 2017, husi ekipa TL no Laos.

Hau hatoo Benvindo ba Ekipa TL no Laos, bele sakrifika ita boot sira nia aan ho viajen neebe dok tebes, too kedan fatin ida nee. Iha biban nee, hau hakarak atu aprezenta ba ita boot sira konaba Korea, saida maka ita boot sira hatene kona ba Korea, neebe partisipantes sira husi TL responde katak, ami hatene Korea tanba iha kooperasaun bilateral nasaun rua nee iha setores oi-oin neebe hahu dadaun ona aplika programa dezenvolvimentu iha rai Timor. Alende ida nee, hatene Korea tanba Mr. Kim, ema Koreanu oan neebe maka dezenvolve talentu bola ba ami nia alin oan sira iha TL,” tenik nia.

Park Mi-Sun nudar Jeneral Manejer Korean Saemaul Undong Center aprezenta, aihan favoritu iha Korea hanesan Aihan Favoritu Korea maka Chimchi, Bulgogi, Samgientang, Ginseng, Chicken Soup, aihan ba serimonia aniversariu, Aihan ba inagurasaun uma foun, no aihan seluk-seluktan. Nunee mos apresenta konaba cultura Korea hanesan kesi tali iha uma, signifika bebe ida moris iha família nia laran, Infra-estrutura ba estradas iha capital ba too área remotas, investimentu Hotel no Restaurante, nunee mos iha Tower neebe aas liu iha Aziatiku no dezenvolvimentu area agricultura sustentabel lubuk ida neebe inisiativa rasik husi povu rasik atu dudu kresimentu ekonomia Koreanu ba futuru.

Iha oportunidade nee, Sekretario Rejiaun Asuntu Agrikultura e Dezenvolvimentu Rural, Rejiaun Administrativa Espesial Oecusse Ambenu, Regio Servente da Cruz Salu hatete katak, Korean Saemaul Undong Center hanesan fatin ida neebe sai hanesan modelu ida ba dezenvolvimentu Nasaun Korea.

Serimonia Workshop nee tuir orario sei hahu iha loron aban (ohin-reed) Kinta (20/4/2017), neebe iha loron primeru nee, sei halo abertura husi Jeneral Manajer, koalia kona ba Dezenvolvimentu Seamaul Undong, kontinua kedan ho Country Report husi kada representante kada nasaun, sei iha mos aprezentasaun ida kona ba Historia Saemaul Undong ho nia esplikasaun ba museum. Joseph Koa Husi Korea do Sul

Facebook Comments

Leave a Reply

Your email address will not be published. Required fields are marked *