Edukasaun Enkluzivu Halao Progresu Boot

Edukasaun Enkluzivu Halao Progresu Boot

- in Edukasaun
75
0
deficiencia-timor

DILI – Durante tinan lima nia laran, Ministeriu Edukasaun (ME), liu husi diresaun edukasaun enkluzivu halao ona progresu lubuk ida iha diresaun refere.

Tuir Diretor edukasaun enkluzivu iha ME, Jose Monteiro katak, durante tinan lima nian laran,   iha progresu lubuk ida mak sira halo iha diresaun nee, tanba sentru rekursu tolu mak sira   konsege establese iha Munisipiu Lospalos, Aileu, no Dili, nomos fo formasaun ba professor sira, tanba tenke haree ba orsamentu neebe mak limitadu, maske sei lao neneik, maibe lao bebeik ona.

Iha tinan lima nian laran nee iha progresu lubuk ida mak  ami halo iha diresaun ida nee, tanba sentru rekursu tolu mak ita konsege establese iha Munisipiu Lospalos, Aileu, no Dili, depois ami  fo formasaun ba ita nia professor sira hamutuk atus tolu nen nolu resin sia, tanba ita tenke haree ba orsamentu neebe mak limitadu, maske ita sei lao neneik, maibe lao bebeik, nomos estudante sira neebe mak difisiensia, sei eskola hamutuk ho sira nian maluk sira seluk nee hamutuk atus hitu ualu nolu resin hitu, nee mak iha fatin Dili, Aileu, Ainaro, Lospalos,  Covalima no  Oecusse,” dehan Jose ba STL iha edifisiu ME Vila-Verde Dili Kuarta (09/08/2017).

Nia hatete, progresu seluk tan mak iha edukasaun enkluzivu nia papel boot liu mak konsellu Ministru aprova politika nasional neebe mak presiza atu adopta iha TL, tanba hanesan iha nasaun seluk balun seidauk iha, balun iha tiha ona, TL iha ona politika, para bele tuir mata dalan, hodi bele implementa planu estratejia neebe mak iha ona.

Iha parte seluk, Olandino Martins, husi organizasaun difisiente iha TL hatete, tuir ninia haree konaba diresaun edukasaun enkluzivu nia servisu durante nee lao diak, tanba diresaun nee  toma atensaun maximu ba ema ho kondisaun difisiente sira. Jacinta Sequeira/Guilhermina Franco

 

Facebook Comments

Leave a Reply

Your email address will not be published. Required fields are marked *