Edukador Neebe La Diak Halo Aktu Hasoru Estudante

Edukador Neebe La Diak Halo Aktu Hasoru Estudante

- in Edukasaun
1214
0
antonio-me

DILI – Relasiona ho kazu professor halo agresaun fiziku hasoru estudante sira iha eskola, Ministeriu Edukasaun (ME), konsidera ida nee hanesan edukador neebe mak la diak, halo aktu violensia hasoru estudante.

Preokupasaun nee hatoo husi Ministru Edukasaun (ME), Antonio da Conceicao, preokupa teb-tebes ho hahalok professor sira, neebe mak halo agresaun fiziku hasoru estudante sira iha eskola, tanba nudar edukador tenke hatudu atitudi neebe mak diak ba estudante sira.

Hau hanoin aktu neebe mak agora dadaun ita nian professor sira halo ba ita nian estudante sira nee, hanesan halo iha  Balibo, eskola sao Miguel, inklui halo iha eskola seluk iha Munisipiu Dili, ida nee hanesan aktu ida neebe mak la diak  ba ema neebe mak edukador ninia, tanba ema edukador nee tenke halo ninia aktu neebe mak diak, hodi bele ajuda labarik sira, maibe laos problema halo fali asaun violensia hasoru estudante sira, purtantu ida nee, ME sente preokupadu ho hahalok sira hanesan nee, maibe sertamente se hahalok ida nee aktu de violensia, inan aman estudante bele lori professor nee keixa, tanba labele  professor  atu halo violensia hasoru estudante sira, edukador labele, hau kondena aktu sira neebe mak professor sira halo ba ita nian estudante sira,” hatete ME Antonio ba jornalista iha edifisiu ME  Vila-Verde  Dili Sesta (14/07/2017).

Iha parte seluk, Eduardo dos Santos, hanesan Professor curriculum, hatete, durante nee iha sira nian eskola rasik, kazu konaba professor halo violensia hasoru estudante no estudante halo violensia ba professor nee sidauk mosu iha sira nian eskola, maibe iha eskola balun keta akontese karik, husi sira nian eskola durante nee seidauk akontese kazu hanesan nee.

Nunee mos Jose Maia, hanesan estudante husi EBC Fatumeta, hatete, bainhira violensia nee mosu, dala ruma professor sira  esplika materia ruma iha sala laran, maibe estudante sira lakohi rona, no hakilar tun sae, maibe nudar estudante oinsa mak atu respeita professor sira, atu nunee bele evita violensia iha eskola. Jacinta Sequeira

 

Facebook Comments

Leave a Reply

Your email address will not be published. Required fields are marked *