EBF Culuhun Asesu Merenda Escolar

EBF Culuhun Asesu Merenda Escolar

- in Edukasaun
614
0
Fos Merenda

DILI – Escola Bazika Filial (EBF) Culuhun asesu deit merenda eskolar ho menu hanesan paun, susu ben, manutolun, foremungu. Sira seidauk bele fo hahan ba estudante sira tanba foos seidauk tama iha sira nia eskola.

Preokupasaun nee hatoo husi koordenador EBF Culuhun Domingos Magno katak, durante nee merendar escolar lao maibe han mak lahanesan uluk, tanba laiha foos atu tein ba labarik sira, ho nunee escola uja osan husi central sosa paun, susu ben, manu tolun, foremungu hodi fo ba labarik sira.

Durante inisiu nee estudante sira han etu ho modo, maibe tama fali lahan labarik kiik sira hare hakfodak, sira koalia ba malu, uluk nee ita han etu ho modo, maibe agora nee ita han fali paun ho susu ben, halo estudante sira balun han deit, balun lakoi han, entaun inan aman sira lori tiha deit ba uma,” haktuir Domingos ba STL Tersa (13/06/2016) iha escola EBF Culuhun.

Nia dehan konaba problema nee sira hatoo ona ba central, no iha edukasaun rasik mai iha sira nia escoala katak oras nee foos iha ona maibe sei hatama iha armajen saude hodi cek antes distribui ba escola refere.

Iha fatin hanesan professor Benvinda A. Freitas dehan merenda escoalar lao maibe sira nia escola sei han deit paun, manu tolu, no seluk tan hodi hein foos.

Hau hare ba hau estudante neebe mak hau hanorin dala ruma sira han deit paun sira laiha vontade, tanba durante nee sira han etu ho modo, maibe ikus han fali paun no susu ben, halo sira laiha vontade atu tama iha klase laran,” dehan Benvinda.

Nia hatutan sira rona katak oras nee foos iha ona maibe sei cek iha Ministeriu Saude, depois mak haruka ba escola, atu nunee parte saude hare kualidade fos nian.

Iha sorin seluk estudante Marcelina de Deus Ramos hateten durante nee sira han deit paun ho susu ben, foremongu, no sira lahan etu.

“Durante nee ami han deit paun, hemu susun ben, manu tolu, uluk nee ami han etu ho modo maibe agora ami lahan etu ho modo, hau lahatene tanba saida mak lahan etu,” katak nian. *Est5

Facebook Comments

Leave a Reply

Your email address will not be published. Required fields are marked *