EBC Bobomanat Husu Fasilidades

EBC Bobomanat Husu Fasilidades

- in Distritu
471
0
Edukasaun

AMBENO – Escola Ensinu Bazica Central (EBC) 9 Setembro Bobomanat, Suku Bobometo, Postu Admistrativu Oesilo, Oecusse iha preokupasaun lubuk ida mak kona ba professores, fasilidades, librus no seluk tan.

Tuir Jacinto Soni nuudar koordenador EBC 9 de Setembro Bobomanat katak iha eskola Escola Bazica Filiaal (EBC) 9 Setembro iha preokupasaun lubuk ida kona ba professores voluntariu, fasilidade, librus no seluk tan.

Primeiru ami nia profesores voluntariu nain 10 aktivu hela ate agora, hahu husi Janeiro mai too Setembro 2017, seidauk hetan rekuinesimentu husi guvernu, no kontratadu nain 3 no permanente nain 7, nee duni ami iha nee professor permanente komesa tama hanorin hahu tuku 8.00   depois tuku 12.00 sai, depois kontinua iha terseiru siklu husi tuku 1.00 too tuku 6.00 lorokraik,” dehan Jacintoiha ba STL iha aldeia Tumin, Suku Bobometo Postu Administrativa Oesilo, Sabado (9/9/2017).

Nia hatutan agora ba kontratadu mos hanesan voluntario sira nain 10, iha parte seluk mos livrus mos sedauk kompleto maibe buka dalan atu bele halo aprendizajen lao diak nafatin, maski livru la kompletu maibe dalaruma uja deit experiensia neebe maka hetan iha tempu liu ba hodi hanorin estudantes.

Maske ho preokupasaun hirak nee hanesan profesores permanente iha interese nafatin ba oan sira nia futuru maski hasoru difikuldades barak maibe kontinua nafatin atu hanorin buka maneira oinsa atu estudantes bele sai matenek iha future.

Maibe, ami rekomenda deit ba guvernu atu fo hanoin netik ba profesores voluntariu deit sei bele halo rekrutamentu iha tinan nee lae tinan oin tamba voluntariu kleur tiha ona  neebe total alunus iha CBC Bobo-ufe nain 58 feto nain 29 mane mos nain 29 nee ba klase tolu deit, ho numeru profesores nain 20, maibe ba profesores hirak nee halao knaar rua dader hanorin iha EBF Bobo Ufe nee alunus mos barak, lokraik kontinua ba EBC Bobomanat, ami nia eskola fatin ida deit neebe EBF tama dader EBC tama loraik, nee ami hakarak ba oin bele aumenta tan profesores tamba alunus barak sei aumenta tan iha tinan oin”. Koordenador Salienta.

Entretantu, tuir Fransisco J. Caet nuudar foinsae Bobometo katak relasiona ho Eskola Ensinu Baziku Bobometo sente orgullu tebes tanba eskola besik hela fatin maibe iha preokupasaun balun neebe sei sufisiente no presija tau atensaun mak professores no fasilidades.

Agora dadauk provizoriamente hanorin iha iha Eskola Ensino Baziku Bobometo ho nivel sekundaria hamutuk ho lisensiatura maibe sei voluntariu hela. Ho preokupasaun hirak nee husu ba setimu governu liu husi Ministeriu Edukasaun atu bele tau matan husi nivel Primaria no husu atu rekruta professores atu bele halo prosesu aprendizajen ba estudantes,” dehan Caet.

Nia hatutan, relasiona ho fasilidaes hanesan edifisiu Eskola Ensinu Baziku Bobometo nian seidauk iha mak hanesan meja, kadeiras tanba nee, propoin ba setimu governu atu bele atende lalais atu estudantes bele hahu prosesu aprendizajen.

Hatan ba preokupasaun nee, Diretur Edukasaun RAEOA Daniel Maunu rekuinhese katak los duni numeru profesores menus mas oinsa atu bele responde numeru neebe menus iha planu ona desde tinan 2016.So tinan ida nee iha, soke ho festa demokrasia entaun ate agora seidauk iha legalidade ba prosesu ida nee.

Neebe agora dadauk rekursu umanu iha ona liu husiSecretariu Asuntu Edukasaun no Solidariedade Social nia okos, neebe parese iha governu foin maimaka implementa programa neebe maka planu ona. No dalaruma too inisiu ano lectivo 2018, tamba agora mos preparasun atu hasoru exame nasional,”dehan Daniel.

Nia hatutan, kona ba fasilidades ba edifisius ida nee Oecusse hatene katak edukasaun nia projetus nee komesa lumayan, tamba iha 2016 iha 26 projetus I agora dadauk prosesu BOQ lao hela neebe kontruksaun rehabilitasaun 96 projetus iha RAEOA nee prosesu lao hela neebe ida nee inklui Bobomanat mos tama hotu.

Kona ba livrus liu-liu material relijiaun “hau hanoin nee kestaun nasional laos rejional ninian maibe nee problema teritoriu tomak I nee depende liu ba igreja bele hare nesesidade ida nee para nunee profesores sira hanorin hanesan mata dalan atu hanorin I neste mumentu profesores barak maka uja sira esperiensia maka hanorin maibe ba oin ita sei kopera ho igreja hodi hare livrus ba material relijiaun nian hodi fasilita mestri sira. Abilio Elo Nini

Facebook Comments

Leave a Reply

Your email address will not be published. Required fields are marked *