EBC 3c Vila Nova Baucau Preokupa Fatin Lixu

EBC 3c Vila Nova Baucau Preokupa Fatin Lixu

- in Distritu
1468
0
timorild

BAUCAU-Escola EBC 3c Vila Nova Baucau preokupa tebes ho fatin lixu. Durante nee sira laiha fatin lixu hodi tau foer, hateten Director EBC Vila Nova Baucau Paulino Sulino Freitas.

Estudante iha escola nee barak tebes. Ema mos faan sasan barak iha ambiente escola nee. Bainhira estudante sira han buat ruma, sira soe foer arbiru. Nee halo ambiente escola nee nakonu ho foer.

Ami nian escola preokupasaun mak fatin lixu, tanba durante nee fatin atu rai foer laiha, maibe iha ami nia professor ida husi portugal mai fo formasaun ba professor sira escola refere oinsa mak rai foer iha fatin refere, entau hanorin ami koa roda rai iha escola oin para uinhira estudante sira han mak iha foer bele rai ba iha roda laran mak hodi ba sunu, maibe dala ruma nakonu lais entau foer nee soe lekar arbiru ona iha escola oin, tanba estudante barak liu uinhira estudante tama dader lokraik entau roda neebe prepara nee nakonu lais ona,” hateten Paulino Sulino Freitas ba STL, Segunda (5/6/2017).

Tamba nee sira preokupa tebes ho fatin lixu tanba nee nia husu ba Governu liu husi Ministeriu Relevante tau atensaun ba problema nee, tanba saude nee importante, uinhira soe foer lemo-lemo lalar hobur bele lori moras oin-oin ba estudante sira nomos ba komunidade sira neebe mak hela besik iha area refere,

Karik bele Governu hadia fatin lixu ida iha ami nian escola oin, atu nunee uinhira estudante sira han dosi, ka hemu es ruma plastic bele rai iha fatin neebe mak governu prepaera nee, tanba estudante iha escoal refere barak liu,

Iha fatin hanesan estudante Fidelia Sarmentu hateten sira preokupa tebes ho fatin lixu tanba escola besik iha Estrada publiku, no vendedor barak mak faan iha escola laran, uinhira estudante sira sosa sasan iha escola refere entau foer nee soe fatin laiha,

Durante nee professor sira hanorin duni ba estudante sira oinsa mak rai foer iha fatin, no prepara duni roda neebe rai iha escola oin maibe la supsente tanba estudante barak liu,” iha ami nia escola iha duni fatin atu rai foer maibe lasupsente tanba ami barak, fatin neebe ami rai foer ba laran nee latoo meudia foer nakonu ona, entau rai fatin laiha ona” katak nian.

Iha sorin seluk Teodozia nudar komunidade iha aldeia refere hateten tuir loron-loron nian hare iha escola referee estudante barak tebes, maibe fatin neebe mak prepara iha escola nee ladun supsente, tanba roda kiik deit mak tau iha kada klase nian oin maibe estudante barak tebes, uinhira nakonu ona entau estudante soe arbiru ona, tanba fatin rai foer nee nakonu ona, entau susur tebes.

Hau dala rumaba iha escola balun iha sidade Dili hau hare escola nian oin iha fatin lixu, maibe iha escola neebe iha Baucau nee laiha fatin lixu, ida nee ba hau senti problema tebes, tanba iha ospital sira aviju katak rai foer iha fatin, moras neebe akontese nee liu husi foer neebe mak soe lemo-lemo nee” katak Teodozia.

Nian hatutan sebele husu ba estadu bele ajuda fatin lixu ruma ba iha kada escola hotu laos ba iha escolar deit maibe ba mos iha Mercado, nomos ba iha komunidade sira neebe mk hela iha bairo-bairo atu nunee idak-idak bele rai foer nian fatin, atu nunee hodi prevene moras ba iha estudante nomos ba komunidade sira mos. Est-5

Facebook Comments

Leave a Reply

Your email address will not be published. Required fields are marked *