EA, Se Solusaun Dialogu La Iha

EA, Se Solusaun Dialogu La Iha

- in Notisias Online, Politics
216
0
download (3)

DILI-Impase lao naruk, laos problema Maun Xanana, Maibe hun ba problema nee PR la fo pose ba membru pendenti husi CNRT, se solusaun dialogu laiha tenki hakatak ba Elisaun Antesipada (EA)

Kestaun nee hatoo husi Vise Reitor I Universidade Dili, Françisco Martins da Silva ba STL iha nia knaar fatin UNDIL,Maskarenhas, Dili, Kuarta (12/02/2020).

Tuir Francisco, Primeiru tenki hare ba objetivu mosu dialogu nee no fundamentu husi dialogu nee rasik, i tanba sa maka dialogu ne mosu.

Impase neebe lao naruk laos problema personal entre maun Xanana ho nia kolega sira neebe luta nain, maibe nee problema intereses partidu neebe la konsege akumula iha guvernu ida nee, dehan Vise Reitor I nee.

Nia dehan, Sua Exelensia Primeiru Ministru hasoru Prezidenti da Republika (PR) besik tinan no la konsege rezolve problema, tanba problema nee laos personal sira nian, problema nee intereses ida neebe maka grupu ou politika neebe sira defende ba.

ita nia problema laos problema personal entre lider sira neebe iha impresaun, konaba membru CNRT hirak neebe deskonfia komete krimi korupsaun, iha tempu neeba Prezidenti CNRT rasik haruka karta ba tribunal husu justifikasaun ba nia membru sira neebe karik komete krimi sei la avansa maibe la iha resposta, dehan Nia.

Vise Reitor Haktuir, Ita hare fila fali ba intervista neebe iha media husi GMN ho Maun Xanana foin lalais nee, Maibe atu hatete katak se deit iha pozisaun nuudar PR.Partidu ida, normal teb-tebes i razoavel teb-tebes atu mantein ninia membru sira simu pose, nee laos kestaun aman ida atu tulun nia oan sira, nee kestaun partidu i ema sira neebe mai nee reprezenta nia partidu. Tanba nee ita labele dada ba dada mai fali, se hakarak hatan ba proposta guvernu, fo pose ba lista pendenti sira hodi kompleta mandatu tinan 5, se la fo posse dalan mak PR.AMP rasik hatete dalan neebe justu maka Elisaun Antesipada dalan seluk la iha ona.

PR rasik mak hatete ultimu rekursu ba impase ida nee mak elisaun antesipada, se la iha ona dalan komunika ba malu entre partidu sira neebe ezisti iha Parlamentu Nasional la iha kerzer ita ba antisipada, dalan mak ida nee, hatutan Vise Reitor III UNDIL nee.

Nia komenta, ita hare fila fali ba iha yurisprudensi neebe mak iha tiha ona, kerzer desizaun ida neebe mak PR foti tiha ona hanesan iha 2017, PR la fo ba partidu segundu mais votadu, agora fila ba nai PR rasik, ema hotu-hotu espera PR atu foti desizaun.

Hau hare hanesan dalan ida ba segundu mais votadu nee la akontese tanba ita iha tiha situasaun neebe mak PR halo hanesan iha 2017 I nia la fo ba segundu mais votadu maske guvernu iha tiha ona satan guvernu ida nee lao tinan 2 ona, komenta nia.

Nia relata, se hakarak hakotu impase nee, dalan ida mak fo pose ba membru guvernu neebe mak agora seidauk simu pose, mais ho konsensus ida se maka iha duni indikasaun, iha duni provaz neebe maka prova katak ema sira nee iha aktus krimi ruma tenki iha kolaborasaun para bele hatan ba justisa,  husu mos ba lideransa hotu-hotu ita nia sosidade tomak atu mantein paz. “ita labele nonok neon tenki moris nafatin para hare saida maka ita bele kontribui ba hadia, tanba nee para ona ho insultu politika neebe la kontribui, para ona halo propaganda baratu neebe mak kontribui ba instabilidade, para hamosu idea sira neebe  atu destroy ita nia estadu,”. Tenik Nia. * Reportajen : Crisogono Magalhães

 

 

Komentariu

Facebook Comments

Leave a Reply

Your email address will not be published. Required fields are marked *