Duun Malu Buan ECS Rakut JS

Duun Malu Buan ECS Rakut JS

- in Krime
331
0
TTD1

DILI – Arguida ECS tenke ba hatan iha Tribunal Distrital Dili tanba lezada JS duun liafuan buan ba arguidu JS.

Tuir akuzasaun husi Ministeriu Publiku neebe Tribunal lee sai katak iha loron 4 fulan Outubru tinan 2016,  tuku  7:00 kalan Otl iha aldeia 30 de Agustu suku Comoro, arguida ECS ho nia kaben Nico Demos da Silva ba lezada nia uma.

Iha momentu neeba arguida nia laen ba lezada nia uma buka lezada nia laen, maibe lezada dehan ba arguida NDS iha buat ruma mai tur tiha mak ita koalia. Maibe, arguidu lakohi tur no derepenti deit arguida ECS halai mai hodi tuku lezada nia matan sorin karuk dala ida no tuku dala ida iha lezada nia ibun.  No arguidu NDS mos hasai lia fuan aat ba lezadu sira, nunee kleur deit ema deskoinesidu tuda lezada nia uma.

Ho arguidu nia hahalok nee, Ministeriu Publiku akuza arguidu sira sai hanesan autor material ba krime Ofensas Integridade Fisiku Simles (OIFS) tuir artigu 145 kodiku penal Timor-Leste ninian, sei mak ofende ema seluk nia isin ka saude sei hetan pena prizaun tinan 3 (Tolu) ka Multa.

Hatan ba akuzasaun nee arguida mos deklara ba Tribunal katak faktus nee balu los balu sala tanba momentu neeba iha loron 3 Outubru tinan 2016 lezada ho nia laen Cornelio mak ba uluk insulta arguida iha uma hodi dehan buan manas, manu kaku neebe mak lian ketak los iha tempu kalan.

Hau la tuku lezada maibe hau tafoi deit ba lezada nia oin no tebe dala ida iha lezada nia laen, la tuda uma maibe hasai deit liafuan ho dehan panleiro nusa mak o la sai mai,” dehan arguida ba Tribunal, Kuarta (16/03/2017).

Nia dehan, iha momentu nee lezada sira dehan arguidu sira buan manas manu kaku lian kalan no buan malkriadu. Ho liafuan hirak nee mak arguidu sente la satisfaz no halo agresaun fizika hasoru lezada.

Iha fatin hanesan, lezada JS mos informa ba Tribunal katak momentu akontesimentu nee, antes nee iha loron 25 Junu tinan 2017 arguida ho lezada problema tanba labarik sira halimar hamutuk iha uma oin. Iha loron 3 Outubru tinan 2016 lezada nia laen Cornelio adia hela porataun maibe arguida Esperansa prova dehan Diretor naok ten aimoruk hodi ba fan, halo diploma falsu atu sai Diretor no oin hanesan paun kokos. Domingos Piedade Freitas

Facebook Comments

Leave a Reply

Your email address will not be published. Required fields are marked *