Durante elpar 2017, FP Nain 61 Hasai Karta Lisensa

Durante elpar 2017, FP Nain 61 Hasai Karta Lisensa

- in Distritu
1034
0

AMBENO-Rezultadu Monitorizasaun PDHJ hatudu katak, durante elpar 2017, funsionariu publiku (FP) neebe sedauk hetan autorizasaun husi Komisaun da Funsaun Publik (KFP), husi total FP 30 ital mil por eskrita husi Prezidenti KFP, nain 61 maka hasai karta lisensa ofisial.

Nunee Direktur Jeral PDHJ Silverio Pinto Baptista bainhira lansa rezultadu elpar 2017 iha Bairo Santa Rosa, Suku Costa, Postu Administrativu Pante Makasar, Oecusse, Kuarta (11/10/2017).

Antes elprez no eplar 2017 halao, sira forma ekipa konjunta. Ekipa nee kompostu husi PDHJ, KAK, Inspetur Jeral do Estadu, KFP, no Komisaun Direitu de Criancas. Durante elisaun rua nee halao, PDHJ halo kordenasaun direita ho Komandu PNTL Munisipiu 13.

Entretantu, tuir delegadu CNE RAEOA, Tomas Oqui Metan, violasaun neebe akontese iha Oecusse  ladun boot. Maske nunee sira nia parte sempre komunika ba parpol hotu durante kampanha no eleisaun.

Ami sempre komunika ho nivel nasional i dalaruma koalia diretamente, oinsa evita problema, no bele kumpri regulamentu neebe estadu halo tia ona. I PNTL mos sempre akompanha no iha koordenasaun diak. I hetan problema ruma, sempre konfirma ba malu (PDHJ no PNTL). Ami tun direita ba iha fatin neebe akontese iregularidade”.

Alende nee, durante elprez no elpar 2017, Diretur Jeral PDHJ, Silverio Pinto Baptista hateten, orsamentu neebe sira uza hodi halo monitorizasaun, konta hamutuk $44.380.

Orsamentu neebe mak ami uja ninia total mak $28.580 durante kampanha no eleisaun. Orsamentu nee husi OJE. I tuir proposta neebe hau halo ba governu ba eleisaun rua nee, hau husu $156 mil, maibe so aprova deit $28 mil, tamba OJE ba elprez no elpar, governu koloka deit $14 millaun. Osan hirak nee mak koloka ba STAE, CNE, PNTL, no F-FDTL. I ba PDHJ $50 tal mil, maibe 44 mil nee ami uja tia ba eleisaun presidensial, iha parlamentar nee ami hetan deit U$28.580, hare ho orsamentu neebe mak la sufisiente hau tenki buka osan extra husi liur, hau komunika fali ho embaixador nova zelandia, ajuda osan itoan ba PDHJ total 5. 400, I hau komunika mos husi parseiru internasional balu, husi planu internasional ajuda mos 10. 400, I total orsamentu neebe mak ami uja ba iha eleisaun parlamentar nee, por volta 44.380 dolares Americano, I hau hakarak hatete katak orsamentu nee lasufisiente”, dehan Silverio Pinto.

“Osan neebe aloka ba PDHJ, ami sente lasufisiente maibe hakarak ka lakoi, hau tenki ba tane liman, tenki ba tuku Sra. Menistra Finansas nia odatan hodi hetan transporte hat, ho motorista kedan husi diresaun patrimonio do estadu, iha tempu eleisaun nee sira ajuda PDHJ ho kareta 4 ho motorista, I hau agradese ida nee bele maski ho rekursus neebe ho sufisiente maibe konsege desloka  monitor sira.

Tuir Silverio, dezafius neebe maka PDHJ  hasoru   iha tempu da votasaun monitor  sira tenki tuir retira tamba STAE nasional la autoriza monitor PDHJ atu vota iha fatin neebe maka sira destaka ba, hanesan polisia karik sira halo seguransa iha fatin neebe deit pois sira vota iha neba, mas PDHJ lae,

Hau koko komunika ho Ministro  Koordenador  no Vice Minstro Estatal fo orientasaun maibe ba  asor legal sira neebe mak STAE halo interpreta ba iha estatutu PDHJ nian neebe mak la halo interpretasaun kompleto i hau lakoi atu loke diskusaun ho asor legal sira neebe mak lakomprende hau retira monitor PDHJ iha tempu neba, tamba nee mak iha rezultadu balu ami lakonsege hetan dadus kompleta iha munisipiu hot-hotu  tamba kestaun nee, i dezafius seluk mak orsamentu neebe mak ami persiza ba iha eleisaun parlamentar ho orsamentu neebe mak kiik i monitor sira labele desloka tuir tempu neebe mak determina husi Presidenti da Republika”. Abilio Elo Nini

 

Komentariu

Facebook Comments

Leave a Reply

Your email address will not be published. Required fields are marked *