Dupla Funsaun Presiza Kolaborasaun Partidu Koligasaun

Dupla Funsaun Presiza Kolaborasaun Partidu Koligasaun

- in Politics
410
0
POlitku

DILI—Tuir akademiku nia hare katak partidu mais votadu Fretilin iha direitu atu kaer pasta importante sira, maibe mos husu kolaborasaun husi partidu koligasaun PD no Khunto atu labele mosu dezentedementu sosial iha koligasaun.

Lia fuan hirak nee hato husi Retor Universidade Dili (UNDIL) Estevao da Costa Belo ba STL iha nia knar fatin Maskarinhas Dili Segunda, (11/9/2017).

Tuir nia katak presiza mos partidu maioria Fretilin tenk tur, no husu ideias husi partidu rua nebe halo ona koligasaun atu nunee koligasaun nebe halao nee bele metin.

Kuandu koligasaun nee ida deit ona tamba iha ona koligasaun nia laran tenki fahe kadeira ba malu atu nunee bele ho hanoin ida diak atu dudu dezenvolvimentu nee ba oin. Atu nunee labele mosu tan hanesan dinamika politika nebe mosu iha elisaun ba prezidente parlamentu nasional nian nebe partidu koligasaun nia votus rua menus.

Tamba koligasaun nee konsidera laos plataforma governu inkluzivu. Tamba nee husu ba partidu nebe iha koligasaun nia laran husu atu apoia malu nafatin. Ida nee maka dehan demokrasia iha nasaun nee iha duni. Maibe labele ema konsidera taka falta ba dehan iha demokrasia mosu duni maibe lahatudu realidade.

Tuir ami nia hare partidu manan mais votadu nia maka manan iha elisaun nia iha direitu atu tur iha kadeira sira nee. Agora kualia konaba koligasaun tenki tur hamutuk, lao hamutuk buat hotu hamutuk sebele fahe ba koligasaun sai ida deit ona. Labele dehan partidu ida deit atu assume kargus importante nee laiha balansu,”nia dehan.

Prezidente Partidu Demokratiku (PDC) Antonio Ximenes dehan maun boot Mari Alkatiri nee kaer ona ZEEMS iha Oe-Cusse agora sei simu tan pasta Premeiru Ministru nee oinsa. Maibe presiza liu maka atu assume knar importante iha orgaun sira nee presiza tuir konstituisaun dehan. Tanba nasaun nee hamrik iha direitu, no demokratiku.

Nasaun nee lao diak ona entaun povu hotu-hotu nebe moris ona iha nasaun nee moris diak hotu ona. Maibe mos presija hare ema nia kapasidade no lejitimasaun politika nebe maka povu fo. Maibe nee konsidera tuir lei ga lae nee tuir koridor politika nunee mos ema hotu-hotu nia hakarak maka nee hakarak dezenvolvimentu nasional lao diak no povu moris diak.

Nia kaer zeems iha Oe-Cusse depois kaer tan pasta PM no deputadu tan oinsa. Hau mos atu dehan maun Alkatiri ema nebe halo mos konstituisaun tamba nee nia ema nebe serve dun atu servisu tuir konstituisaun haruka,”nia kualia.

Adjuntu Diretor Ezekutivu Komite 12 de Novembru Rogerio Castro da Cruz dehan tuir realidade nebe ema hotu hare katak partidu maioria manan simples maka partidu Fretilin. Maibe labele mosu loron ikus mai Fretilin maka sei sai maioria nee ladun diak. Maibe karik mosu koligasaun tenki respeitu mos lian husi partidu koligasaun seluk.

“Realidade nebe maka iha katak partidu Fretilin manan elisaun nee maioria simples maibe ikus mai nia maka sai maioria ida nee ladun diak. Tanba nee maka dalan diak tenki husu no rona husi partidu seluk nebe involve an iha koligasaun nee. Atu aban bainrua labele iha nia implikasaun diskusaun no aprovasaun ba orsamentu jeral do estadu,”nia reforsa tan. Justinho Manuel

Facebook Comments

Leave a Reply

Your email address will not be published. Required fields are marked *