Duodesimu Asegura Funsionamentu Estadu

Duodesimu Asegura Funsionamentu Estadu

- in Nasional
609
0
osan

DILI- Too agora governu seidauk iha orsamentu ba tinan 2018, tanba nee Ministeriu Finansas servisu hamutuk ho governu no Ministeriu hotu, hodi prepara orsamentu temporariu hanesan Duo desimu, atu nunee bele asegura funsionamentu estadu durante Orsamentu Jeral do Estadu seidauk iha.

Kestaun nee fo sai husi Vice Ministra Planu no Finansas, Sara Lobo Brites ba Jornalista Kinta (10/01/2018) iha nia knaar fatin Aitarak laran.

Bazeia ba Artigu 31 no 13/2008 rejime hateten katak orsamentu nee ba perodu fulan ida nian no segundu maka aplika orsamentu dou desimu katak, orsamentu tinan nian maka fahe ba fulan 12 nian laran, no aloka tuir ninia dalan, kategoria orsamentu 2017 la inlkui kapaital minor,” dehan Sara.

Nia mos informa liu tan katak, orsamentu doadesimu neebe maka iha, sei aloka tuir nia dalan, hanesan kategoria salariu vensementu, bem servisu, transferensia publiku no kapital Minor, tanba nee husu ba Ministeriu idak-idak atu uza osan nee ho kuidadu, hodi hein orsamentu jeral do estadu.

Iha fatin hanesan Diretur Jeral Finansas, Januario da Gama, husu ba diretur jerais no diretur nasionais sira hotu atu fasilita ezekusaun orsamentu duo desimu, iha ministeriu instituisaun no servidor fundo autonomu sira.

Nunee mos Primeiru Ministru Mari Alkatiri hateten, atu ezekuta orsamentu duo desimu nee oinsa, tanba nee osan neebe aloka ba fulan Janeru nian nee, tenke ezekuta hotu iha fulan Janeru, nee ezize ba hotu hotu atu disiplina halao servisu. Madalena Horta

Facebook Comments

Leave a Reply

Your email address will not be published. Required fields are marked *