Duo-Desimu Hein KM

Duo-Desimu Hein KM

- in Politics
39
0
download (21)

Editora: Carme Ximenes

 DILI– Ministeriu Finansas preparadu  aprezenta Orsamentu rejime duo-desimu, maibe hein reuniaun Konsellu Ministru (KM).

Informa Ministra Interina Finansas Sara Lobo, ba jornalista sira, bainhira halo audensia ikus ho komisaun C, iha sala konferensia Parlamentu Nasional, Dili, Kinta (09/01/2020).\

Orsamentu duo-desimu nee ami prepradu atu aprezenta, maibe ami hein Konsellu Ministru tau iha ajenda,dehan Sara.

Maski nunee governante nee dehan, Ministeriu Finansas simu ona  informasaun ikus katak, Konsellu Ministru sei halo reuniaun iha Segunda (13/01/2020).

Maibe nia hatete, tansferensia orsamentu duo-desimu ba lina ministerial no lina instituisaun estadu tarde la fo impaktu makas.

Hau laharee nia impaktu makas, tanba ita foin taka iha dia 31 Dezembru, deferensa deit semana ida nee ita bele haree, dehan nia.

Entretantu kona ba motante orsamentu lei hatete katak, duo-desimu nee orsamentu tinan ida nian  fahe ba fulan 12, neebe hein lori ba iha KM depois aprova mak publika.

Iha fatin hanesan Deputadu Bankada Fretilin Marito Mota hatete, orsamentu duo-desimu nee antes Dezembru nee lasala iha intervista ida  nia parte rona katak, Konsellu Ministru aprova tiha ona iha antes tama ba tinan foun, aprova iha Dezembru hamutuk ho salariu desimu terseiru.

Tuir nia katak, dehan katak seidauk aprezenta  ba Konsellu Ministru, ida nee parte governu liu husi Ministeriu Finansas ho Governu mak hatene, nudar deputadu lahatene, tanba nee knar governu sira nian oinsa atu bele aprezenta ba KM hodi aprova para haree ba fulan Janeiru lori ba ba oin  uza duo-desimu too aprova OJE 2020.

Nunee mos Deputadu PD Adriano do Nascimento antes nee hatete, MF atu aprezenta rejime duo-desimu, ida nee tenke, tanba laiha dalan seluk, nee tenke aprezenta rejime duo-desimu selae estadu nee para.

Nia haktuir, atu estadu labele para nee mak lei preve orsamentu duo-desimu nee katak orsamentu iha tinan uluk nian sei nafatin uza ida nee ba salariu bensimentu ho obrigasaun, selae nasaun lalao. Guilhermina Franco

 

Komentariu

Facebook Comments

Leave a Reply

Your email address will not be published. Required fields are marked *