Droga No Trafiku Umanu Perigoju Ba Futuru Jerasaun Foun

Droga No Trafiku Umanu Perigoju Ba Futuru Jerasaun Foun

- in Notisias Online, Top News
3071
0
Droga

DILI – Reprezentante povu iha uma fukun Parlamentu Nasional (PN) preokupa tebes futuru jerasaun foun nian, tanba oras nee problema droga no problema trafiku umanu komesa serkula iha nasaun foun nee.

Tuir Deputadu Bankada Fretilin, Paulo Moniz Maia dehan droga no trafiku umanu nee buat ida neebe mak perigoju tebes-tebes liu-liu ba jerasaun foun tanba jerasaun foun mak futuru ba aban bainrua.

Lei trafiku umanu no trafiku droga nee ami deskuti ona iha PN oras nee iha ona jeneralidade atu ba deskuti husi artigu ba artigu iha espesialidade neebe ami sei deskuti diak liu tan,” Paulo dehan ba STL iha PN-Dili, Kuarta (28/09/2016).

Paulo esplika, se Timor Leste laatensaun didiak bele sai fatin tranzitu, tanba nee mak lei ida nee urjente ba estadu ka Governu mai iha Parlamentu, hodi bele deskuti lei nee nunee bele aprova iha parlamentu depois hetan promulgasaun husi Prezidente Republika.

Iha sorin seluk, Deputadu Bankada CNRT, Natalino dos Santos Nasimento esplika, kestaun lei trafiku umanu no lei droga nian oras nee PN aprova ona iha jeneralidade hein deit atu ba espesialidade. Informasaun kompletu iha STL Jornal no STL Web, edisaun Kinta (29/9/2016). Raimundo S. Fraga

Komentariu

Facebook Comments

Leave a Reply

Your email address will not be published. Required fields are marked *