Dosente Hanorin IPB, ME Sei Fo Mos Posibilidade Ba Grau Lisensiadu

Dosente Hanorin IPB, ME Sei Fo Mos Posibilidade Ba Grau Lisensiadu

- in Edukasaun
183
0
Kualidade Edukasaun

DILI – Ministeriu Edukasaun (ME) sei fo posibilidade ba dosente ho grau lisensiadu atu hanorin iha Institute Poletekniku Betanu, tanba eskola nee foin mak hahu ho diploma II, maibe dosente tenke iha espesialidade ba area 2 nebe mak loke hanesan produsaun animal, no konstrusaun sivil.

Tuir Diretor Nasional Ensinu Superior Tekniku Paulino Ribeiro hatete, grau ba dosente sira neebe mak atu hanorin estudante iha Institute Poleteknik Betanu nee, ninia abilitasaun literariu tuir lei baziku edukasaun tenke mestradu mak bele hanorin iha ensinu superior.

Dosente sira neebe mak atu hanorin nee tenke tuir espesialista departamentu neebe mak atu loke iha IPB, neebe iha neeba iha departamentu produsaun animal, ema mos tenke espesialista husi departamentu produsaun animal mak ba hanorin, no mos tenke espesialista iha konstrusaun sivil mak ba hanorin, tanba iha neeba iha departamentu rua nee mak atu loke,” katak Paulino ba Jornalista Kuarta (11/01/2016) iha Balide Infordepe hafoin partisipa iha enkontru avaliasaun avaliasaun ba ezekusaun orsametu 2016, no atu mellora servisu iha 2017.

Nia hatete, iha tempu badak ME sei loke konkusru publiku ba dosente iha departamentu 2 hanesan produsaun animal no Konstrusaun Sivil, neebe kona ba dokumentu sira halo hotu ona no fo ona iha Ministru hein Ministru koordena ho gabinete Primeiru Ministru para foti desizaun.

Iha parte seluk, Diretor Edukasaun Munisipiu Manufahi Trinitos Sarmento hatete, iha eskola publiku neebe mak foin loke hanesan Institute Poleteknik Betanu, iha area rua mak loke hanesan departamentu produsaun animal no mos departamentu konstrusaun sivil. Informasaun kompletu iha STL Jornal no STL Web, edisaun Kinta (12/1/2017). Guilhermina Franco / Jacinta Siqueira

Facebook Comments

Leave a Reply

Your email address will not be published. Required fields are marked *