Domingos da Costa

Domingos da Costa

- in Perfil
6525
0
Profil Domingos

TINAN rua antes invazaun Indonesia (Tempu Portugis), uma kain ida neebe xefia husi Januario da Costa ho nia espoza Juliana da Costa, orgulhu no kontenti, tanba sira nia kazamentu rezulta oan dahuluk ho naran Domingos da Costa, moris iha loron 1 fulan Agustu tinan 1973. Depois Domingos Maromak fo nia alin nain 7. Ho nunee uma kain ida nee buras ho ema nain 10.

Hahu eskola primaria iha tinan 1990 no akaba eskola Pre-Sekundaria iha tinan 1993 no akaba eskola Vokasional STM iha tinan 1996.

Akaba eskola vokasional, hau la kontinua ba estuda iha Universidade momentu neeba, tanba factor ekonomia inan ho aman nian lapermiti atu kontinua eskola,” dehan Domingos ba STL iha semana hirak liu ba.

Iha tempu Indonezia Domingos la servisu, nia eskola deit, hafoin ukun aan nia servisu iha Ministeiru Obras Publika durante fulan neen, depois muda nafatin iha MOP maibe iha Dirasaun Eletrisidade iha tinan 2001 hanesan Xefi Seksaun Inspeksaun Jeral Eletrisidade to agora.

Uluk tempu Indonesia hau la servisu eskola deit, hafoin Ita ukun aan hau servisu iha Ministeiru Obras Publika fulan neen, depois muda  nafatin MOP maibe iha elektrisidade 2001 hanesan Xefi seksaun inspeksaun jeral eletrisidade,” Domingos hateten.

Domingos durante nee tuir formasaun iha Dili bebeik, no iha rai liur foin maka ba Jakarta.  Iha Jakarta nee nia tuir formasaun kona ba elektrisidade illegal kontador sira neebe maka ema halo illegal sira nee.

Durante halao servisu dezafius neebe maka Domingos hasoru maka funsionariu ladun barak, tanba ekipa neebe maka lidera inspeksaun nee ema nain neen deit, nunee susar tebes atu kontrola rihun lima nulu kliente neebe maka agora rejistu iha Timor.

Tanba nee nia sujere ba ukun nain sira neebe maka forma Governu nee tenke hare didiak ba iha parte elektrisidade halo didiak.

Se lae ita kontratu ho kompania osan, ba hotu kompania nusa maka larekruta funsionariu para mai halo servisu,” dehan nia.

Atu rezolve dezafius sira nee, nia sempre ba kolsultasi ho diretor nasional, diretor geral no ministru atu bele rezolve problema, maibe to agora seidauk iha solusaun.

Rezolve dezafius sira nee nia ba konsultasi ho direitor nasional ho direitor geral no ministru atu bele rezolve problema ida nee, maibe seidauk iha solusaun.

Tanba hanesan ema kiik nia kompetensia maka so bele hato deit ba iha leten, atu rezolve nee depende ba Governu maka deside atu rekruta tan funsionariu, sira so halo tuir deit saida maka boot sira hato’o.

Hau ema kiik, nee depende ba Governu maka deside, se bele rekruta funsionariu ami halo tuir deit,” nia afirma.

Aman husi oan nain neen nee uluk mehi hakarak sai sidadaun ida neebe maka iha responsabilidade ba nasaun no familia, tanba nia hakarak hadia nasaun ida nee, liu husi servisu ho dignu atu nunee nasaun bele lao ba oin, bainhira la fo kontribuisaun maka nasaun sei lalao ba oin ho diak.

Tanba durante nee sira ba halo inspeksaun ba komunidade neebe maka liga elektrisidade ho dalan ilegal kuaze atus sia konsumidores, no komunidade sira tenke mai selu multa iha EDTL hafoin nee maka sira ba liga fila fali.

Ita nia komunidade sira neebe liga eletrisidade illegal mai selu kiik liu maka $ 850 no boot liu maka $ 30.000 dolar,” hatete Domingos.

Domingos nia esprensa atu lideransa sira tenke tur hamutuk para hodi hadia sistema Governasaun, tanba bainhira sistema Governasaun lahadia maka funsionariu sira nee servisu labele halo buat ida, sira mai lahalo servisu oras to’o sira fila ba uma ona, tanba tekanan ba funsionariu laiha, maibe kuandu Governasaun lao diak, hotu-hotu husi leten mai kraik lao diak pasti ema hotu bele servisu. Carme Ximenes

Facebook Comments

Leave a Reply

Your email address will not be published. Required fields are marked *