Dom Virgilio Husu Halo Penitensia

Dom Virgilio Husu Halo Penitensia

- in Politics
325
0
dom-virgilio-615x472

DILI – Bispu Dioseze Dili, Dom Virgilio do Carmo da Silva, SDB husu ba sarani sira atu iha tempu kuaresma halo penitensia/konversaun no jejum durante loron haat nulu nia laran atu nunee bele hetan misteriu boot paskua nian.

Ohin Kuarta Feira Cinzas santa kreda konvida sarani sira, atu hahu tempu ida Jejum nian, tempu penitensia, tanba nee saun Paulu hatete atu labele husik tempu ida nee leet deit maibe hodi Jejum, halo diak no ho orasaun, atu ita rekonsilia ho Nai Maromak, ida nee mak sentidu lolos nian,”dehan Don Virgilio liu husi humilia, bainhira preside misa Kuarta Feira Cinzas, iha Igreza Katedral Dili, Kuarta (06/03/2019)..

Tanba nee Don Virgilio hatete, tempu kuaresma, tempu atu hadia fali buat neebe ema sobu hahalok aat sira, no hakarak buat neebe estraga nunka atu hadia, nee duni tempu ida nee tenke iha korajen atu dehan lae ba mate esperitu.

Portantu mate esperitu mak bainhira reza, ba misa, rona Maromak nia liafuan, maibe laiha forsa, vida esperitual husi laran mate hela, laiha buat neebe dudu. Tanba nee presiza forsa ida, atu dehan lae ba liafuan sira neebe sai husi ema nia ibun ba buat neebe laiha sentidu, lia fuan soke ninian, lia fuan trata malu ninian, lia fuan insulta malu ninian.

Ita presiza iha korajen atu dehan ba an hodi laiha bobar lia, maibe atu hatete buat los no hadomi lia los,” Don Virgilio akresenta.

Bibi atan sarani katolik nee afirma tan katak, Presiza sai husi nakukun laran, nunee bele aprende hodi lao iha dalan Maromak nian, atu bele rekone Maromak ida nee, mai hatan no bolu nai Maromak neebe rona iha leitura ida nee, neebe profeta Joel dehan, fila fila ona atu neon ba iha nai Maromak hodi adere an, tanis no halerik.

Ida nee mak Maromak nia mensajen neebe profeta Joel apela ba povu, ema hotu neebe halibur, katuas no ferik, labarik no joven, tanba Maromak diak no laran luak tebes, tanba Maromak lahatene rai hirus, no lahatene atu fo todan ba nia povu.

Tanba povu ida nee hanesan vizitante, mai tanba simu konvite ida atu nakfila sira nia fuan ba Maromak, atu le sira nia ukun fuan, lao let sira nia hatais, povu ida neebe husu Maromak nia futar lia fuan no oinsa povu hatan husu perdaun.

Maromak haraik bainhira imi nia tinan, nee mak ohin saun Paulu dehan, ida nee mak loron ida, ida neebe mak tempu atu sura imi nia salvasaun ,” Don Virgilio salienta.

Iha fatin hanesan Prezidente da Republika Francisco Guterres Lu Olo hatete, Tempu kuaresme tempu ba ita atu halo reflesaun, hanesan sarani hau mai ho hau nia familia, nee sarani sira hotu para, ita hotu iha misa ida nee halo reflesaun iha loron haat nulu nia laran hodi deskobre ita nia an hanesan ema sarani, hanesan ema umanu, tanba ita ema sala nain I tenta halo reflesaun klean hodi bele dame ho kristu iha tempu ohin ,” dehan PR Francisco Guterres Lu olo.

Entretantu, Misa Kurta feira sinzas Iha Motael liu husi Pe. Guilhermino da Silva, ninia omilia hateten uma kreda konvida sarani sira atu hakbesik aan ba Maromak hodi funu hasoru buat aat.

Tanba nee hamutuk ho igreja hodi simu ahu kdesan no atu halo penitensia de aptidaun no saida maka tenke halo aptidaun iha tempu kuaresma.

Dalaruma sala halo ita ema la folin, tanba nee laos ahu kdesan mak importante iha tempu kuaresma, maibee ita tenke buka hadia ita nia aan iha tempu kuaresma, liu-liu ita tenke buka hadia ita nia fuan no iha kuaresma nia laran atu halo karidade no penitensia neebe mak lao’o tuir Maromak nia nia hakarak,”esplika Amo Guilhermino.

Nia hatutan, kuarta feira sinza sai hanesan loron neebe mak atu determina jejum durante loron 40 nia laran. Hanesan penitensia atu hadia vida katolika kristaun nian, tanba nee sinza hanesan rai rahun neebe kari iha rentos no la folin buat ida.

Maibe, liu husi nee mak bele muda ema nia hanoin oinsa maka atu hakribi sala iha nai nia futar oin,atu nunee bele kompleta jejune ma nian iha kuaresma nia laran.

Tanba liu husi jejun atu hadia ita ema nia isin lolon, tanba nee iha kuaresma nee, presija atu hatudu ita nia diak hanesan teatru iha palku leten atu ema hotu bele hare.

Tanba nee iha tempu kuaresma nee presija atu hadia ita nia aan, liu husi haraik aan sira atu nunee it abele halao’o ita nia penitensia aptidaun nian iha tempu kuaresma sai diak liu tan iha Maromak nia futar oin,esplika amo Guilhermino.

Portantu Selebrasaun misa Kuarta Feira Cinzas iha igreza Katedral Dili, neebe preside direita husi Dom Virgilio do Carmo da Silva SBD no akompania husi Monsinor Marco, Pe Jose Antonio nee, halao durante oras rua ho balu, hahu iha tuku 7:00 OTL no remata iha tuku 9: 45 OTL.

Misa Kuarta Feira Cinzas nee mos partisipa husi Prezidente da Republika Francisco Guterres Lu Olo ho Espezo, Padre, Madre sira husi kongregasaun oin oin, no sarani sira. Misa nee lao hakmate no laiha problema ida mak akontese, tanba hetan seguransa maximu husi eskuteiru no tiu ropa mean sira. Carme Ximenes/Natalino Costa/Sonia Ferreira

Komentariu

Facebook Comments

Leave a Reply

Your email address will not be published. Required fields are marked *