Dom Carlos Husu Autorizasaun Ba MJ, Atu Hadia Eskola Quelecai

Dom Carlos Husu Autorizasaun Ba MJ, Atu Hadia Eskola Quelecai

- in Nasional
45
0
1604382_1033057823486533_1559829927161377424_n

DILI- Amo Dom Carlos Filipe Ximenes Belo, hasoru malu ho Ministru da Justisa, atu hatoo nia komprimento ba Ministru, no mos koalia konaba eskola neebe tau Amo nia naran, husu Ministru fo autorizasaun, atu Amo hamutuk ho autoridade sira bele hadia, atu hanorin labarik sira.

Lia hirak nee, hatoo husi Ministru da Justisa Manuel Carceres da Costa ba Jornalista sira, hafoin remata enkontru ho Dom Carlos iha Edefisiu Ministeriu da Justisa Kaikoli Segunda, (08/01/2019).

Objetivu husi vizita nee mos, Dom Carlos mai vizita Ministeriu da Justisa, atu mai komprimenta Ministru nudar Ministru da Justisa foun iha ita nia Governu. Koalia mos konaba eskola ida iha Quelicai Dom Carlos Filipe Ximenes Belo nian. Eskola nee hari tiha ona inisiativa husi lider komunitariu lokais sira, joven no veteranus sira, hetan rekonesementu husi husi governu, liu husi ministeriu edukasaun e kultura, eskola nee funsiona no produs ona ema neebe eskola iha neeba, ”Dehan Ministru Carseres.

Nia hatutan, Dom Carlos mai husu, tanba eskola nee tau nia naran, se ministeriu da justisa bele atribui edefisiu nee ba iha eskola neeba, para depois Dom Carlos ho Xefi suku veteranus sira bele hadia eskola nee, uja atu bele hanorin labarik sira iha eskola neeba.

Tanba nee maka Dom Carlos husu, Ministru da Justisa bele fo despasu ida, atu atribui edefisiu nee ba sira. Ministru mos responde ba Amo katak, ida nee laos problema, maibe responsabel ba eskola halo pedidu ida mai ministeriu da justisa, atu bele aloka uma nee ba iha eskola neeba, atu bele hanorin labarik sira iha neeba.

Iha sorumutu nee, Ministru Da Justisa mos brifing uitoan, konaba programa oitavu governu nian iha sektor da justisa, ba iha amo Bispo. No Ministru mos husu ba iha amo Bispo, tulun husi orasaun atu servisu neebe iha, bele halao ho diak.

Tuir observasaun STL nian, bainhira remata tiha enkontru nee, Dom Carlos sai mai Jornalista sira tenta atu entrevista, maibe Dom Carlos la fo komentariu, diriji ba iha Ministru maka bele koalia. Dom Carlos too iha Edefisiu Ministeriu da Justisa simu Direktor servisu prizional akompana ba iha Ministru da Justisa nia fatin.

Alende nee, Funsionariu husi Ministeriu da Justisa mos, hamrik simu Dom Carlos, liu husi sira nia komprimenta. Informasaun kompletu iha STL Jornal, edisaun Kuarta (09/01/2019). Terezinha De Deus

Facebook Comments

Leave a Reply

Your email address will not be published. Required fields are marked *